પવિત્ર ગિરનારની લીલી પરિક્રમા શરૂ થાય તે પહેલા જ જૂનાગઢમાં ભક્તજનોનું ઘોડાપૂર ઉમટી પડ્યું છે. પરિક્રમાના વિધિવત પ્રારંભ અગાઉ જ ઇટવા ગેટ અને ભવનાથ તળેટી વિસ્તાર શ્રદ્ધાળુઓથી સંપૂર્ણપણે ઉભરાઈ ગયો છે. લાખોની સંખ્યામાં ઉમટેલા ભક્તોને કારણે બેસવા અને સૂવાની જગ્યા પણ ખૂટી પડી છે અને ચારેય તરફ ભક્તજનોની ભીડ જ જોવા મળી રહી છે.
મધ્યરાત્રિએ પરિક્રમાનો ગેટ ખોલવા શ્રદ્ધાળુઓની જોરદાર માગ
પરિક્રમાના નિયમ મુજબ સામાન્ય રીતે વિધિવત પ્રારંભના એક દિવસ અગાઉ ગેટ ખોલવામાં આવતો હોય છે, પરંતુ આ વર્ષે વહેલી તકે મોટી સંખ્યામાં શ્રદ્ધાળુઓ પહોંચી ગયા હોવાથી, આજે મધ્યરાત્રિના જ પરિક્રમાનો ગેટ ખોલી દેવામાં આવે અને ભક્તોને વહેલો પ્રવેશ આપવામાં આવે તેવી જોરદાર માગ ઉઠી છે. પરિક્રમાર્થીઓ દ્વારા તંત્ર સમક્ષ વહેલા પ્રવેશ માટે સતત રજૂઆતો કરવામાં આવી રહી છે.


