ગુજરાતમાં હવામાન વિભાગની આગાહી વચ્ચે ખેડા જિલ્લામાં મેઘરાજાની ધમાકેદાર એન્ટ્રી થઈ છે. છેલ્લા કેટલાક દિવસોથી અસહ્ય ઉકળાટ અને ગરમીનો સામનો કરી રહેલા સ્થાનિક લોકોને આ વરસાદથી મોટી રાહત મળી છે. ચોમાસાના પ્રથમ વરસાદના પગલે સમગ્ર પંથકમાં ઠંડક પ્રસરી ગઈ છે અને વાતાવરણ ખુશનુમા બન્યું છે.
કઠલાલ અને મહુધા પંથકમાં મેઘમહેર
ખેડા જિલ્લાના કઠલાલ અને મહુધા તાલુકા સહિત આસપાસના ગ્રામ્ય વિસ્તારોમાં પવન સાથે વરસાદી માહોલ જામ્યો હતો. લાંબા સમયની પ્રતીક્ષા બાદ મેઘરાજાના આગમનથી સ્થાનિકોમાં આનંદની લાગણી જોવા મળી રહી છે.
