આસામના મુખ્યમંત્રી હિમંત બિસ્વા સરમાએ કોંગ્રેસના વરિષ્ઠ નેતા અને લોકસભામાં વિપક્ષના નેતા રાહુલ ગાંધી પર આકરા અને વિવાદિત પ્રહારો કર્યા છે. રાજકીય મંચ પરથી નિવેદનબાજી કરતા સીએમ હિમંત બિસ્વા સરમાએ રાહુલ ગાંધીના વ્યક્તિત્વ અને તેમની વર્તણૂક સામે પ્રશ્નો ઉઠાવ્યા હતા અને તેમને સરેઆમ 'પાગલ' ગણાવ્યા હતા. હિમંત બિસ્વા સરમાના આ તીખા પ્રહાર બાદ દેશના રાજકારણમાં ગરમાવો આવી ગયો છે.
રાહુલ ગાંધી અંગે વિવાદિત ટિપ્પણી
https://www.instagram.com/reel/Ddv2GuTAJY0/?utm_source=ig_web_button_share_sheet
આસામના મુખ્યમંત્રીએ રાહુલ ગાંધીના દેખાવ અને શૈલી પર કટાક્ષ કરતા જણાવ્યું હતું કે, "જ્યારે પણ હું રાહુલ ગાંધીને જોઉં છું ત્યારે તેમના ચહેરા પરથી તે પાગલ જેવા દેખાય છે. ક્યારેક તેઓ લાંબી દાઢી સાથે જોવા મળે છે તો ક્યારેક અચાનક દાઢી વગર શોભે છે." તેમણે આગળ ઉમેર્યું હતું કે તેમની જીવનશૈલીમાં કોઈ સ્થિરતા નથી, ક્યારેક તેઓ એક દિવસ દેશમાં હોય છે તો બીજા જ દિવસે અચાનક વિદેશમાં પહોંચી જાય છે.
રાજકીય વર્તુળો અને મીડિયા અહેવાલો મુજબ, સીએમ સરમાએ કંડલા પોર્ટ કે અન્ય જાહેર કાર્યક્રમ દરમિયાન રાહુલ ગાંધીના નિવેદનો અને દેશ-વિદેશના પ્રવાસો પર નિશાન સાધતા આ પ્રકારનું કડક વિધાન આપ્યું હતું. તેમના આ નિવેદનથી ભાજપ અને કોંગ્રેસના નેતાઓ વચ્ચે સામસામે વિવાદ છેડાઈ ગયો છે. કોંગ્રેસ છાવણી દ્વારા આ પ્રકારની ભાષા અને ટિપ્પણી સામે ભારે વિરોધ દર્શાવવામાં આવી રહ્યો છે.