મહિસાગર જિલ્લાના વીરપુર તાલુકાના સાલૈયા ગામ નજીક એક હૃદયધબકાવતી ઘટના સામે આવી છે. સાલૈયા નજીકથી પસાર થઈ રહેલી એક કારમાં અચાનક જ શંકાસ્પદ સંજોગોમાં આગ ફાટી નીકળી હતી. બનાવ સમયે કારમાં એક વ્યક્તિ તેમના 2 વર્ષના માસુમ બાળક સાથે મુસાફરી કરી રહ્યા હતા.
કારમાં અચાનક આગ ફાટી નીકળી
ચાલુ કારમાંથી ધુમાડા નીકળતાં જ પિતાએ અસાધારણ સમયસૂચકતા અને ધીરજ દાખવી હતી. તેમણે તુરંત કાર સાઈડમાં ઊભી રાખી ૨ વર્ષના માસુમ બાળકને ખોળામાં લઈ કારની બહાર કૂદકો મારી દીધો હતો.પિતા અને પુત્ર કારમાંથી બહાર નીકળ્યાના ગણતરીના સેકન્ડોમાં જ આગે રૌદ્ર સ્વરૂપ ધારણ કરી લીધું હતું અને આખી કાર આગના ગોળામાં ફેરવાઈ ગઈ હતી. પિતાની ત્વરિત બુદ્ધિમત્તાના કારણે એક મોટી હોનારત ટળી હતી અને પિતા-પુત્ર બંનેનો ચમત્કારિક આબાદ બચાવ થયો હતો.