પવિત્ર યાત્રાધામ દ્વારકામાં મેઘરાજાએ ધમાકેદાર બેટિંગ શરૂ કરી છે. ધીમીધારે શરૂ થયેલા વરસાદે થોડી જ વારમાં જોર પકડી લીધું હતું, જેના કારણે શહેરભરમાં ઉત્સાહનો માહોલ જોવા મળ્યો હતો. માત્ર 2 કલાકના ટૂંકા સમયગાળામાં જ 44 મીમી વરસાદ ખાબકતા શહેરના અનેક મુખ્ય માર્ગો અને રસ્તાઓ પર પાણી ભરાઈ ગયા હતા.
વાહનચાલકો અને યાત્રિકોને પડી મુશ્કેલીઓ
શહેરના ઠેર ઠેર માર્ગો પર પાણી ભરાઈ જવાના કારણે બહારથી આવેલા યાત્રિકો તેમજ સ્થાનિક વાહનચાલકોને ભારે હાલાકીનો સામનો કરવો પડ્યો હતો. પાણી ભરાવાને કારણે ટ્રાફિક વ્યવસ્થા પણ થોડા સમય માટે પ્રભાવિત થઈ હતી. જોકે, આ ભારે વરસાદના કારણે વાતાવરણમાં પ્રચંડ ઠંડક પ્રસરી ગઈ હતી અને લોકોને ઉકળાટ તથા ગરમીથી મોટી રાહત મળી હતી.
