છેલ્લા ચાર દિવસમાં થરાદ પંથકમાં વરસેલા મૂશળધાર 10 ઇંચથી વધુ વરસાદને કારણે સમગ્ર વિસ્તાર બેહાલ બન્યો છે. ભારે વરસાદના પગલે શહેરના નીચાણવાળા વિસ્તારો સંપૂર્ણપણે પાણીમાં ગરકાવ થઈ ગયા છે, જેના કારણે સ્થાનિક રહેવાસીઓની મુશ્કેલીઓમાં ભારે વધારો થયો છે.
આઇકોન રોડ પણ વરસાદી પાણી ભરાયા
થરાદના મુખ્ય આઇકોન રોડ પર પણ વરસાદી પાણી ભરાઈ જવાથી વાહનવ્યવહાર ઠપ થઈ ગયો છે. પરિસ્થિતિ એટલી ગંભીર બની છે કે સરકારી કચેરીઓ અને પોલીસ સ્ટેશન તરફ જવાના મુખ્ય રસ્તાઓ પણ બંધ થઈ ગયા છે, જેને કારણે અરજદારો અને પોલીસ કર્મચારીઓને અવરજવરમાં ભારે હાલાકીનો સામનો કરવો પડી રહ્યો છે.