પંચમહાલ, મહીસાગર અને વડોદરા જિલ્લાની હજારો હેક્ટર ખેતીની જમીન જેના પર નિર્ભર છે તે પાનમ જળાશયના ઉપરવાસમાંથી ચિંતાજનક સમાચાર આવ્યા હતા. ચાલુ ચોમાસાની સિઝનમાં શરૂઆતના રાઉન્ડ બાદ વરસાદે લાંબો વિરામ લેતાં પાનમ ડેમમાં પાણીની આવક તદ્દન બંધ થઈ ગઈ છે. ઉપરવાસમાંથી નવું પાણી ન આવવાને કારણે અને સતત બાષ્પીભવન તેમજ વપરાશના કારણે ડેમની જળસપાટીમાં સતત ઘટાડો નોંધાઈ રહ્યો હતો. સત્તાવાર આંકડા મુજબ, ગત ૫ જુલાઈના રોજ ડેમની સપાટી 127.90 મીટર હતી, જે ઉપરવાસની સુષ્ક સ્થિતિને કારણે ઘટીને 127.70 મીટર પર પહોંચી ગઈ હતી.
પાનમ ડેમમાં પાણીની આવક તદ્દન બંધ
ડેમની સપાટી ઘટવાની સાથે જ ચોમાસાના પાકની વાવણી કરી ચૂકેલા ખેડૂતો જીવ અધ્ધર થઈ ગયા હતા. જો સમયસર પાણી ન મળે તો મોંઘા ભાવના બિયારણ અને ખાતરનો ખર્ચ માથે પડે તેમ હતો અને ઊભો પાક બળી જવાની સ્થિતિ સર્જાઈ હતી. પંથકના ધરતીપુત્રો દ્વારા સિંચાઈ માટે પાણી છોડવાની ઉગ્ર અને વ્યાપક માંગ કરવામાં આવી હતી.