મોરબી જિલ્લામાં સ્થાનિક સ્વરાજ્યની સંસ્થાઓની ચૂંટણીઓનો માહોલ જામી રહ્યો છે. આગામી ડિસેમ્બર માસમાં યોજાનારી સંભવિત ગ્રામ પંચાયતોની સામાન્ય ચૂંટણીઓને ધ્યાનમાં રાખીને મોરબી જિલ્લા વહીવટી તંત્ર દ્વારા મહત્વપૂર્ણ પગલું ભરવામાં આવ્યું છે. મોરબી જિલ્લા ચૂંટણી અધિકારી અને કલેક્ટર દ્વારા જિલ્લાની કુલ 349 ગ્રામ પંચાયતોની ચૂંટણી માટેનું સત્તાવાર જાહેરનામું પ્રસિદ્ધ કરી દેવામાં આવ્યું છે.
સરપંચ પદોની અનામત બેઠકો જાહેર કરાઈ
ચૂંટણી જાહેરનામાની સાથે જ મોરબી જિલ્લાની વિવિધ ગ્રામ પંચાયતોમાં સરપંચ પદ માટેની અનામત બેઠકોની પણ જાહેરાત કરવામાં આવી છે. આ જાહેરાતથી ગ્રામ્ય વિસ્તારોમાં રાજકીય ગતિવિધિઓ તેજ બની ગઈ છે અને સંભવિત ઉમેદવારો દ્વારા અત્યારથી જ લોકફોર્મ અને સમીકરણોની ગણતરીઓ શરૂ કરી દેવામાં આવી છે. તંત્ર દ્વારા તમામ નિયમો અને જોગવાઈઓને આધીન રહીને અનામત બેઠકોનું વિભાજન કરવામાં આવ્યું છે.