પોરબંદર જિલ્લાના રાણાવાવ પંથકમાં પારિવારિક સંબંધોને કલંકિત કરતી એક અત્યંત ગંભીર ઘટના સામે આવી છે. રાણાવાવ તાલુકાની 15 વર્ષીય સગીરાને તેના જ બનેવીએ લગ્નની લાલચ આપી ભગાડી જઈ કચ્છના અંજાર ખાતે લઈ જઈ દુષ્કર્મ આચર્યું હોવાની ફરિયાદ નોંધાઈ છે. આ બનાવ અંગે રાણાવાવ પોલીસ મથકમાં ગુનો દાખલ કરવામાં આવ્યો છે.

લગ્નની લાલચ આપી કાયદેસરના વાલીપણામાંથી ભગાડી અંજાર લઈ ગયો

મળતી વિગતો અનુસાર, પોરબંદર જિલ્લાના રાણાવાવ તાલુકામાં રહેતી 15 વર્ષીય સગીરાને આરોપી બનેવીએ લગ્ન કરવાની લાલચ આપીને ફોસલાવી હતી. ત્યારબાદ આરોપી બનેવી સગીરાને તેના કાયદેસરના વાલીપણામાંથી ભગાડીને કચ્છના અંજાર ખાતે લઈ ગયો હોવાનો ફરિયાદમાં આક્ષેપ કરવામાં આવ્યો છે.

અંજાર ખાતે દુષ્કર્મ આચર્યાની ફરિયાદ

ફરિયાદમાં જણાવાયા મુજબ, આરોપી બનેવીએ સગીરાને અંજાર લઈ જઈને તેની સાથે શરીરસંબંધ બાંધી દુષ્કર્મ આચર્યું હતું. સમગ્ર મામલો સામે આવ્યા બાદ આ બનાવ અંગે રાણાવાવ પોલીસ મથકમાં ફરિયાદ નોંધાવવામાં આવતા પોલીસે આરોપી બનેવી સામે ગુનો દાખલ કર્યો છે. હાલ રાણાવાવ પોલીસે આરોપી વિરુદ્ધ કાયદેસરની કાર્યવાહી હાથ ધરી સમગ્ર મામલે વધુ તપાસ શરૂ કરી છે.

આ પણ વાંચો: Ahmedabad: મોદી સ્ટેડિયમમાં દિલજીતના કોન્સર્ટ દરમિયાન યુવકો સિગારેટ ફૂંકતા કેમેરામાં કેદ, સ્ટેડિયમની અંદર યુવકો વચ્ચે મારામારી