રાજકોટ-અમદાવાદ નેશનલ હાઈવે પર ફરી એકવાર પૂરપાટ ઝડપે દોડતા વાહનોએ માસૂમનો જીવ લીધો છે. હાઈવે પર ટ્રક અને બાઈક વચ્ચે સર્જાયેલા એક ભયાનક અકસ્માતમાં એક આશાસ્પદ યુવાનનું મોત નીપજ્યું છે. અકસ્માત એટલો જોરદાર હતો કે, બાઈક સવાર યુવાને ઘટના સ્થળે જ દમ તોડી દીધો હતો. આ ઘટનાને પગલે હાઈવે પર ટ્રાફિક જામના દ્રશ્યો સર્જાયા હતા.
હોમિયોપેથીક કોલેજના વિદ્યાર્થીનું મોત
ઘટનાની મળતી માહિતી અનુસાર, આ જીવલેણ અકસ્માતનો ભોગ બનેલો યુવક મેડિકલનો વિદ્યાર્થી હતો. તે હોમિયોપેથીકનો અભ્યાસ કરતો હતો અને પોતાની કોલેજ પત્યા બાદ બાઈક પર પરત ફરી રહ્યો હતો. તે દરમિયાન હાઈવે પરથી પસાર થતી એક બેકાબૂ ટ્રકે તેની મોટરસાયકલને જોરદાર ટક્કર મારી હતી. અકસ્માતમાં ગંભીર ઈજાઓ થવાના કારણે વિદ્યાર્થીનું ઘટના સ્થળે જ મોત નીપજ્યું હતું.
