બનાસકાંઠા જિલ્લાના સરહદી વાવ-થરાદ વિસ્તારમાં માવસરી પોલીસે સુરક્ષા વ્યવસ્થા વધુ મજબૂત બનાવી છે. ગેરકાયદે પ્રવૃત્તિઓ, દારૂની ઘૂસણખોરી અને અસામાજિક તત્વો પર લગામ કસવા માટે પોલીસે બોર્ડર વિસ્તારમાં અચાનક એક્શનમાં આવીને કડક વાહન ચેકિંગ ઝુંબેશ શરૂ કરી છે. જે કારણે અસામાજિક તત્ત્વોમાં ફફડાટ ફેલાયો છે.
બાખાસર ચેકપોસ્ટ પર રાજસ્થાનથી આવતા વાહનો પર બાજનજર
રાજસ્થાન અને ગુજરાતને જોડતી અતિ સંવેદનશીલ ગણાતી બાખાસર બોર્ડર ચેકપોસ્ટ પર પોલીસે ચોકીપહેરો સખત કરી દીધો છે. રાજસ્થાન તરફથી ગુજરાતની હદમાં પ્રવેશતા તમામ નાના-મોટા વાહનો, શંકાસ્પદ મુસાફરો અને માલવાહક વાહનોનું બારીકાઈથી સઘન ચેકિંગ કરવામાં આવી રહ્યું છે.
