ગિર સોમનાથ જિલ્લાના મુખ્ય વેપારી મથક એવા ઉના શહેરમાં નાગરિકોને શુદ્ધ અને ગુણવત્તાસભર ખાદ્યચીજો મળી રહે તેમજ અશુદ્ધ કે ભેળસેળયુક્ત ઘી અને મસાલાઓનું વેચાણ અટકે તે હેતુથી ફૂડ એન્ડ ડ્રગ્સ વિભાગ દ્વારા અચાનક મોટી કાર્યવાહી હાથ ધરવામાં આવી છે. ઉના શહેરની ધમધમતી મેન બજારમાં ફૂડ સેફ્ટી અધિકારીઓની ટીમે અચાનક કાફલા સાથે પ્રવેશ કરીને ઘીના જથ્થાબંધ વેપારીઓ અને કરિયાણાના મોટા સ્ટોર્સમાં સરપ્રાઈઝ ચેકિંગ શરૂ કર્યું હતું.
ઉનામાં ફૂડ વિભાગના દરોડા
ફૂડ વિભાગના દરોડાથી વેપારીઓમાં ફફડાટ વ્યાપી ગયો હતો અને કેટલાકે દુકાનોના શટર અડધા ઢાળી દીધા હોવાના દ્રશ્યો પણ સર્જાયા હતા. આ સઘન ચેકિંગ દરમિયાન અધિકારીઓને ગુણવત્તા અંગે શંકા જતાં ઘી સહિત વિવિધ ખાદ્યપદાર્થોના 5 જેટલા શંકાસ્પદ સેમ્પલો વિધિવત રીતે જપ્ત કરવામાં આવ્યા છે.