- સત્યા નડેલાને 'ક્લાઉડ ગુરુ' પણ કહેવામાં આવે છે
- નડેલાને 2014માં માઈક્રોસોફ્ટના સીઈઓ બનાવાયા
- વર્ષ 2021માં તેમને કંપનીના ચેરમેન બનાવાયા
અમેરિકાની અગ્રણી ટેક કંપની માઈક્રોસોફ્ટના સર્વરમાં થયેલી ખામીને કારણે શુક્રવારે બપોરથી જાણે કે સમગ્ર વિશ્વ થંભી ગયું હતું. જેના કારણે ખાસ કરીને એરપોર્ટ, બેંક, મીડિયા અને શેરબજાર પર તેની અસર જોવા મળી હતી. માઈક્રોસોફ્ટ વિશ્વની બીજી સૌથી મૂલ્યવાન કંપની છે. તેનું માર્કેટ કેપ $3.272 ટ્રિલિયન છે. કંપનીના ભારતીય મૂળના સીઈઓ સત્ય નડેલા છે. તો જાણો તેમના વિશે તમામ વાતો.
2014 માં કંપનીના વડા બન્યા સત્યા નડેલા
નડેલા 2014 માં કંપનીના વડા બન્યા અને તેમના નેતૃત્વ હેઠળ, માઇક્રોસોફ્ટે પોતાને ટેક ઇનોવેટર તરીકે પુનઃસ્થાપિત કરી છે. આ સમયગાળા દરમિયાન કંપનીના શેરમાં અનેકગણો વધારો થયો છે. સત્ય નડેલાનો જન્મ વર્ષ 1967માં હૈદરાબાદમાં થયો હતો. તેમના પિતા વહીવટી અધિકારી અને માતા સંસ્કૃત લેક્ચરર હતા. હૈદરાબાદ પબ્લિક સ્કૂલમાંથી પ્રાથમિક શિક્ષણ પૂર્ણ કર્યા પછી, તેમણે 1988માં મણિપાલ ઇન્સ્ટિટ્યૂટ ઑફ ટેક્નોલોજીમાંથી ઇલેક્ટ્રિકલ એન્જિનિયરિંગનો અભ્યાસ કર્યો અને પછી કમ્પ્યુટર સાયન્સમાં એમએસ કરવા માટે અમેરિકા ગયા. તેમણે 1996માં બૂથ સ્કૂલ ઑફ બિઝનેસ, શિકાગોમાંથી MBA કર્યું.
માઈક્રોસોફ્ટમાં નોકરી
અભ્યાસ પૂરો કર્યા પછી સત્યા નડેલાએ સન માઈક્રોસિસ્ટમ્સમાં કંપનીની ટેક્નોલોજી ટીમમાં કામ કર્યું. તે 1992માં માઈક્રોસોફ્ટમાં જોડાયા અને ત્યારથી તેની સાથે છે. કંપની સાથેના તેમના લાંબા જોડાણ દરમિયાન, તેમણે ઘણા પ્રોજેક્ટ્સ પર કામ કર્યું. તેણે માઇક્રોસોફ્ટમાં સર્વર ગ્રુપમાં શરૂઆત કરી. આ પછી તેણે સોફ્ટવેર ડિવિઝન, ઓનલાઈન સર્વિસ, રિસર્ચ એન્ડ ડેવલપમેન્ટ, એડવર્ટાઈઝિંગ પ્લેટફોર્મમાં કામ કર્યું અને પછી હેડ બન્યા પછી સર્વર ડિવિઝનમાં પાછા ફર્યા.
ક્લાઉડ ગુરુ તરીકે મેળવી ઓળખ
સત્યા નડેલાને 'ક્લાઉડ ગુરુ' પણ કહેવામાં આવે છે. તેમણે માઈક્રોસોફ્ટમાં ક્લાઉડ કમ્પ્યુટિંગનું નેતૃત્વ કર્યું અને કંપનીને વિશ્વના સૌથી મોટા ક્લાઉડ ઈન્ફ્રાસ્ટ્રક્ચર્સમાંના એકમાં બનાવવામાં મહત્વની ભૂમિકા ભજવી. તેમણે ઓનલાઈન સર્વિસ ડિવિઝનના વરિષ્ઠ ઉપાધ્યક્ષ અને માઈક્રોસોફ્ટ બિઝનેસ ડિવિઝનના વાઇસ પ્રેસિડેન્ટ તરીકે સેવા આપી હતી. બાદમાં તેમને કંપનીના US$19 બિલિયનના 'સર્વિસ એન્ડ ટૂલ્સ' બિઝનેસના પ્રમુખ બનાવવામાં આવ્યા હતા. તેમણે માઈક્રોસોફ્ટના ડેટાબેઝ, વિન્ડોઝ સર્વર અને ડેવલપર ટૂલ્સને Microsoft Azure ક્લાઉડ પ્લેટફોર્મ પર લાવવામાં મુખ્ય ભૂમિકા ભજવી હતી.
CEO સુધીનો પ્રવાસ
નડેલાને 2014માં માઈક્રોસોફ્ટના સીઈઓ બનાવવામાં આવ્યા હતા. જ્યારે તેમણે આ પદ સંભાળ્યું ત્યારે કંપની ઘણી સમસ્યાઓમાંથી પસાર થઈ રહી હતી. નડેલાએ માઈક્રોસોફ્ટને આ સમસ્યાઓમાંથી બહાર કાઢ્યા એટલું જ નહીં તેને નવી ઊંચાઈએ પણ લઈ ગયા. તેણે ક્લાઉડ કમ્પ્યુટિંગ, મોબાઈલ એપ્લીકેશન્સ અને આર્ટિફિશિયલ ઈન્ટેલિજન્સ પર ધ્યાન કેન્દ્રિત કર્યું અને ઓફિસ સોફ્ટવેર ફ્રેન્ચાઈઝીમાં નવો પ્રાણ ફૂંક્યો. વર્ષ 2021માં તેમને કંપનીના ચેરમેન બનાવવામાં આવ્યા હતા.
ક્રિકેટ પ્રેમ
સત્યા નડેલાએ અનુપમા સાથે 1992માં લગ્ન કર્યા હતા. અનુપમા સત્યાના પિતાના મિત્રની પુત્રી છે. સત્યા તેમના પરિવાર સાથે વોશિંગ્ટનમાં રહે છે. સત્યા નડેલા ક્રિકેટના મોટા પ્રશંસક છે અને તેમના રોજિંદા જીવનમાં રમતમાંથી પ્રેરણા લે છે. તે ફિટનેસ અને દોડવાના શોખીન છે. નડેલાને સ્વીટ ડિશ અને પેસ્ટ્રીઝ પસંદ છે. તે પોતાને આજીવન શીખનાર કહે છે અને ફાજલ સમયમાં ઓનલાઈન ક્લાસ લે છે. ફ્રી ટાઇમમાં તેને કવિતા વાંચવી ગમે છે.
નડેલાની નેટવર્થ
મીડિયા રિપોર્ટ્સ અનુસાર નડેલાની કુલ સંપત્તિ લગભગ 7,500 કરોડ રૂપિયા છે. નાણાકીય વર્ષ 2023માં તેમને 4.85 કરોડ ડોલર એટલે કે લગભગ 4,03,64,63,425 રૂપિયાનો પગાર મળ્યો હતો. આમાં $2,500,000 નો મૂળભૂત પગાર અને $6,414,750 નો બોનસ શામેલ છે. આ સમયગાળા દરમિયાન તેને કોઈ સ્ટોક ઓપ્શન્સ મળ્યા ન હતા જ્યારે $39,236,137ના સ્ટોકનો સમાવેશ કરવામાં આવ્યો હતો. તેને બીજા વળતર તરીકે $361,650 પણ મળ્યા.
