સૌરાષ્ટ્રના સૌથી મોટા ગણાતા રાજકોટ માર્કેટિંગ યાર્ડમાં નવી જણસીઓની ભારે આવક જોવા મળી રહી છે. હાલ શિયાળું પાકની સિઝન પૂર્ણતાના આરે હોવાથી બજારમાં માલનો ભરાવો થઈ રહ્યો છે, ખેડૂનો પાતાની જણસી લઈને યાર્ડમાં ઉમટી પડતા તા.23 માર્ચના રોજ બેડી માર્કેટિંગ પાર્કમાં જણસીઓની રેકોર્ડબેક આવક જોવા મળી હતી.ખાસ કરીને ઘઉં અને ધાણાની આવકમાં નોંધપાત્ર વધારો જોવા મળ્યો છે.
ઘઉંની 150000 મણ જેટલી મબલખ આવક
સરદાર વલ્લભભાઈ પટેલ મુખ્ય માર્કેટ વાર્ડમાં રવિવારની રજા બાદ ખુલેલા યાર્ડમાં વહેલી સવારથી જ ખેડૂતોનો ધસારો રહ્યો હતો, જેમાં અંદાજે 1400થી વધુ વાહનો ખેતપેદાશો લઈને ઉમટી પડ્યા હતા. યાર્ડના સત્તાધીશો દ્વારા ખેડૂતોને હાલાકી ન પડે તે માટે ક્રમવાર પ્રવેશ આપીને ઉતરાઈની સુંદર વ્યવસ્થા ગોઠવવામાં આવી હતી. યાર્ડના સત્તાવાર આંકડા અનુસાર, સૌથી વધુ ઘઉંની 150000 મણ જેટલી મબલખ આવક નોંધાઈ છે.