Ahmedabad: SG હાઈવે પર 5 વાહનો એક સાથે અથડાયા, અકસ્માતમાં ઈજાગ્રસ્તોને સારવાર માટે ખસેડાયા

અમદાવાદમાં SG હાઈવે પર અકસ્માતની ઘટના સામે આવી છે. આ ઘટનામાં પાંચ વાહનો એક સાથે અથડાયા છે. ઇસ્કોન બ્રિજના છેડે એક કારમાં ટાયરમાંથી હવા નીકળતા અકસ્માત સર્જાયો હતો. ત્રણ કાર, એક રીક્ષા અને એક ટુવિલરનો અકસ્માત થયો હતો. આ અકસ્માતમાં ઈજાગ્રસ્તોને સારવાર માટે હોસ્પિટલ ખસેડ્યા છે.

 SG હાઈવે પર પાંચ વાહનો એક સાથે અથડાયા 

શહેરનો SG હાઈવે પર વાહનોની અવરજવર વધારે રહેતી હોય છે. સાથે જ SG હાઈવે પર અકસ્માતોની ઘટનાઓ પણ સામે આવતી હોય છે. તેમાં કર્ણાવતી ક્લબ તરફ ઇસ્કોન બ્રિજના છેડે પાંચ વાહનો એક સાથે અથડાતા અકસ્માતની ઘટના બની હતી. જોકે સદનસીબે આ ઘટનામાં કોઈ મોટી જાનહાની થઈ નથી. બે લોકોને સામાન્ય ઈજા પહોંચતા તેમને સારવાર માટે હોસ્પિટલ ખસેડવામાં આવ્યા છે.

અકસ્માતમાં મોટી જાનહાની ટળી

કર્ણાવતી ક્લબ તરફ ઇસ્કોન બ્રિજના છેડે કારના ટાયરમાંથી હવા નીકળી જતા અકસ્માત થયો હતો. અકસ્માતની ઘટનામાં રીક્ષા પલટી મારતા રીક્ષામાં સવાર ચાલક અને એક વ્યક્તિને ઇજાગ્રસ્ત થયા હતા. જ્યારે ટુ-વ્હીલર ચાલકને પણ બીજા પહોંચી છે. આ ઘટનામાં ઘાયલોને સારવાર માટે હોસ્પિટલ ખસેડવામાં આવ્યા છે. પોલીસે અકસ્માતનો ગુનો નોંધી વધુ તપાસ હાથ ધરી છે.