અમદાવાદ મ્યુનિસિપલ કોર્પોરેશન (AMC) ના કમલા નેહરુ પ્રાણીસંગ્રહાલય (કાંકરિયા ઝૂ) ખાતે દર વર્ષની જેમ આ વર્ષે પણ ૧ થી ૭ ઓક્ટોબર દરમિયાન 'વન્ય પ્રાણી સપ્તાહ' (Wild Life Week) ની ઉજવણી કરવાનો નિર્ણય લેવામાં આવ્યો છે. નાગરિકો અને ખાસ કરીને બાળકોમાં પર્યાવરણ અને વન્યજીવોના સંરક્ષણ પ્રત્યે જાગૃતિ આવે તે હેતુથી આ ખાસ આયોજન કરવામાં આવી રહ્યું છે.
અમદાવાદમાં AMC ઊજવશે વન્ય પ્રાણી સપ્તાહ
આ ઉજવણી અંતર્ગત AMC દ્વારા બાળકો માટે વિશેષ જાહેરાત કરવામાં આવી છે. 1 થી 7 ઓક્ટોબર દરમિયાન કાંકરિયા ઝૂની મુલાકાત લેતા ૧૨ વર્ષ સુધીની વયના તમામ બાળકો માટે પ્રવેશ તદ્દન નિઃશુલ્ક રાખવામાં આવશે. આ નિર્ણયથી શાળાના બાળકો અને પરિવાર સાથે આવતા નાના બાળકો વન્યજીવો વિશે નજીકથી જાણકારી મેળવી શકશે.