અમદાવાદ જિલ્લાના બગોદરા વિસ્તારમાંથી એક હૃદયદ્રાવક ઘટના સામે આવી છે. બગોદરાના શિયાળ રોડ પર આવેલી થાળાવાળી ડબમાં ગણપતિ પધરાવવા માટે કેટલાક કિશોરો ગયા હતા, તે દરમિયાન ગણપતિ વિસર્જન વેળાએ અચાનક પાણીમાં ઊંડાણમાં ઉતરી જવાથી બે કિશોરો ડૂબી ગયા હતા.
SDRF ટીમ અને પોલીસનો કાફલો ઘટના સ્થળે
ઘટનાની જાણ થતાં જ સ્થાનિક પોલીસ ત્વરિત ઘટના સ્થળે દોડી આવી હતી. આ ઉપરાંત પરિસ્થિતિની ગંભીરતાને જોતા SDRFની ટીમ પણ ઘટના સ્થળે પહોંચી ગઈ છે, અને બચાવ કામગીરી યુદ્ધના ધોરણે શરૂ કરી છે. આ બનાવને પગલે આસપાસના લોકોના ભારે ટોળે ટોળા ઉમટી પડ્યા હતા.
