અમદાવાદના બોપલ વિસ્તારમાં બનેલા ફાયરિંગ અને આત્મહત્યાના ચકચારી કેસમાં પોલીસે તપાસનો ધમધમાટ તેજ કર્યો છે. આ કેસમાં ઝડપાયેલા બે આરોપીઓના 4 દિવસના રિમાન્ડ કોર્ટે મંજૂર કર્યા છે. પોલીસે કોર્ટ સમક્ષ 10 દિવસના રિમાન્ડની માગણી કરી હતી, જેથી કેસના ઊંડાણ સુધી પહોંચી શકાય, પરંતુ કોર્ટે 4 દિવસના રિમાન્ડ મંજૂર કર્યા છે. આ મામલામાં આરોપીઓએ ગુના સાથે જોડાયેલી મહત્વપૂર્ણ વોટ્સએપ ચેટ ડિલીટ કરી દીધી હોવાનું પણ સામે આવ્યું છે, જેનાથી કેસ વધુ ગૂંચવાયો છે.


આરોપીઓ સામે ગુનાહિત ઇતિહાસ

આ કેસમાં મુખ્ય આરોપી સાહિરખાન સામે અગાઉ 4 ગુના દાખલ થયેલા છે, જ્યારે રાશિદખાન સામે 1 ગુનો નોંધાયેલો છે. આ ગુનાહિત ઇતિહાસ દર્શાવે છે કે, આરોપીઓ ગુનાહિત પ્રવૃત્તિઓ સાથે સંકળાયેલા હતા. પોલીસે રિમાન્ડ દરમિયાન આ આરોપીઓ પાસેથી વધુ માહિતી મેળવી કેસના મૂળ સુધી પહોંચવાનો પ્રયાસ કરશે. ખાસ કરીને, ડિલીટ થયેલી ચેટ્સને રિકવર કરવી અને ફાયરિંગ પાછળનું સાચું કારણ શોધવું એ પોલીસ માટે મોટો પડકાર છે.

Also Read

મોટી દુર્ઘટના અટકી

આ કેસમાં એક વ્યક્તિએ આત્મહત્યા કરી હતી, જ્યારે ફાયરિંગની ઘટનાથી સમગ્ર વિસ્તારમાં ભયનો માહોલ ફેલાયો હતો. પોલીસની તાત્કાલિક કાર્યવાહીને કારણે કોઈ મોટી દુર્ઘટના થતાં અટકી હતી. હવે રિમાન્ડ દરમિયાન થનારી પૂછપરછમાં આ ઘટના પાછળના કયા રહસ્યો છુપાયેલા છે તે બહાર આવે તેવી શક્યતા છે.


  • Follow us on: