સતત ટ્રાફ્કિથી ભરચક રહેતા અમદાવાદ શહેરમાં હાલની પરિસ્થિતિમાં ખાસ કરીને પીક અવર્સમાં રાહદારીઓ માટે રોડ ક્રોસ કરવો એ લોઢાના ચણા ચાવવા સમાન બની ગયું છે.આ પરિસ્થિતિમાં મ્યુનિસિપલ કોર્પોરેશન દ્વારા સૌપ્રથમ વખત સી.જી.રોડ ઉપર મ્યુનિસિપલ માર્કેટ પાસે પ્રાયોગિક ધોરણે પેલિકન ટ્રાફ્કિ સિગ્નલની શરૂઆત કરવામાં આવી છે. થોડા સમય પહેલા જ લગાવવામાં આવેલા આ સિગ્નલના કાચ તૂટ્યા હોવાનો મામલો સામે આવ્યો છે.
સિગ્નલના પુશ બોક્સના કાચ તૂટ્યા
સી.જી.રોડ ઉપર પ્રાયોગિક ધોરણે રાખવામાં આવેલા આ ટ્રાફ્કિ સિગ્નલનો બારીકાઈપૂર્વક અભ્યાસ શરૂ કરવામાં આવ્યો છે.પેલિકન સિગ્નલ એ ખાસ કરીને રાહદારીઓ માટે ડિઝાઇન કરવામાં આવેલી બટન ઓપરેટેડ સિગ્નલ સિસ્ટમ છે. ત્યારે લોકો માટે ઉભી કરવામાં આવેલી આ સિસ્ટમને ગંભીર નુકસાન પહોંચ્યું છે. સી.જી. રોડની બંને તરફ લગાવવામાં આવેલા સિગ્નલના પુશ બોક્સના કાચ તૂટ્યા છે. પુશબોક્સમાં તોડફોડ છતાં સિગ્નલ ચાલુ હાલતમાં છે. આ સમગ્ર મામલે પોલીસને પણ જાણ કરવામાં આવી છે.
