Ahmedabad: ગોતાના સેવન બ્લીસ ફ્લેટમાં અંડરગ્રાઉન્ડ ટાંકીમાં બાળક પડી જતા મોત, બિલ્ડરે સોસાયટીના સભ્યની વાત ધ્યાને ન લીધી

અમદાવાદમાં બાળકનું ટાંકીમાં પડી જતા મોત થયું હોવાની ઘટના સામે આવી છે. ગોતાના સેવન બ્લીસ ફ્લેટમાં અંડરગ્રાઉન્ડ ટાંકીમાં બાળક પડી ગયું હતું. 5 વર્ષીય દર્શૂલ નામના બાળકનું મોત થયું છે. બિલ્ડરની બેદરકારીથી બાળકના મોતનો આક્ષેપ કરવામાં આવ્યો છે. ટાંકીનું ઢાંકણું ખુલ્લું હોવા વિશે સભ્યએ જાણ કરી હતી. બિલ્ડરે સોસાયટીના સભ્યની વાત ધ્યાને ન લીધી હતી. બિલ્ડરે સોસાયટીને હજુ સુધી વહીવટ સોંપ્યો નથી.

અમદાવાદમાં બાળકનું ટાંકીમાં પડી જતા મોત 

ગોતા સેવન બ્લીસ ફ્લેટના અંડર ગ્રાઉન્ડ ટાંકીમાં બાળક પડી ગયું હતું. આ ઘટનામાં 5 વર્ષીય દર્શૂલ નામના બાળકનું મોત થયું છે. ફ્લેટ પાર્કિંગ પાસે ટાંકીનું ઢાંકણું નીચે પડી ગયું હતું. સોસાયટીના સભ્ય દ્વારા પણ જાણ કરવામાં આવી હતી કે ટાંકીનું ઢાંકણું ખુલ્લું છે. છેલ્લા દોઢ વર્ષથી બિલ્ડર દ્વારા આનો વહીવટ કરી રહ્યા છે. બિલ્ડર દ્વારા સોસાયટીને વહીવટ સોંપવામાં આવ્યો નથી.

5 વર્ષીય દર્શૂલ નામના બાળકનું મોત 

શહેરમાં અંડર ગ્રાઉન્ડ ટાંકીમાં પડી જવાથી બાળકના મોતનો બનાવ સામે આવ્યો છે. આ ઘટના બાદ સમગ્ર વિસ્તારમાં શોકનો માહોલ જોવા મળી રહ્યો છે. બાળકો ફ્લેટના પાર્કિંગમાં રમી રહ્યાં હતા. તે દરમિયાન બાળક અંડર ગ્રાઉન્ડ ટાંકીમાં પડી ગયું હતું. ટાંકીનું ઢાંકણું ખુલ્લુ હોવાની લોકો દ્વારા જાણ કરવામાં આવી હોવા છતા કોઈ કાર્યવાહી ન કરતા બાળકનું મોત થયું છે.