અમદાવાદમાં નરેન્દ્ર મોદી સ્ટેડિયમમાં યોજાઈ રહેલા સિંગર દિલજીત દોસાંજના કોન્સર્ટને પગલે ભારે ચર્ચા છે.સામાન્ય રીતે આંતરરાષ્ટ્રીય ક્રિકેટ મેચોનું યજમાન બનતા આ સ્ટેડિયમ પર માત્ર ખેલાડીઓને જ રમવાની મંજૂરી હોય છે.પરંતુ દિલજીતના આ મોટા કાર્યક્રમ માટે ક્રિકેટના મેદાનમાં સીધા ચાહકોની એન્ટ્રી રાખવામાં આવી છે. આયોજન મુજબ સ્ટેડિયમના ક્રિકેટ ગ્રાઉન્ડની મહત્વની જગ્યાઓમાં પણ ચાહકોને પ્રવેશ મળશે.ક્રિકેટની દ્રષ્ટિએ અત્યંત મહત્વપૂર્ણ ગણાતા 30 યાર્ડ સર્કલ અને આઉટફિલ્ડમાં પણ એન્ટ્રી આપવામાં આવી રહી છે.ક્રિકેટ મેચ દરમિયાન ખેલાડીઓ માટે ઉપયોગમાં લેવાતા મેદાનમાં કોન્સર્ટનું આયોજન થવાથી રમતપ્રેમીઓ આશ્ચર્યમાં મુકાયા છે.

ગ્રાઉન્ડની જાળવણી સામે ગંભીર પડકાર ઊભો થશે

આંતરરાષ્ટ્રીય મેચોના આ મેદાનમાં સંગીત કાર્યક્રમ માટે ગ્રાઉન્ડનો સીધો ઉપયોગ હવે ચર્ચાસ્પદ બન્યો છે.મેદાનની આ મહત્વની જગ્યાઓ પર લોકોના ધસારાથી નુકસાનની ભીતિ છે.આ કોન્સર્ટમાં ગ્રાઉન્ડમાં પ્રવેશ મેળવવા માટે ખાસ પાસ બહાર પાડવામાં આવ્યા છે.ગોલ્ડ પાસ અને ફેન પિટ રાઇટ-લેફ્ટ પાસથી ચાહકોને ગ્રાઉન્ડમાં સીધો પ્રવેશ મળશે.ફેન પિટ રાઇટ અને લેફ્ટ પાસની કિંમત રૂ.15000 રાખવામાં આવી છે.આ મોંઘા પાસ દ્વારા લોકો મેદાનની સાવ નજીક પહોંચી શકશે.જ્યારે ગોલ્ડ પાસ મેળવવા માટે ચાહકોએ રૂ.6000 ચૂકવવા પડશે.આ વિવિધ પાસ ખરીદીને હજારો દર્શકો ક્રિકેટના મેદાનમાં પ્રવેશ કરશે.મેદાનની અંદર જ ચાહકોની ભીડ એકઠી થવાની હોવાથી આઉટફિલ્ડ પર સીધી અસર પડશે.મોટી સંખ્યામાં લોકોના પ્રવેશથી ગ્રાઉન્ડની જાળવણી સામે ગંભીર પડકાર ઊભો થશે.

30 યાર્ડ સર્કલ જેવા ક્ષેત્રમાં પણ ચાહકોની હાજરી રહેશે

ક્રિકેટના મેદાનમાં હજારો ચાહકોની અવરજવરથી ગ્રાઉન્ડની સ્થિતિ સામે ગંભીર સવાલો ઉઠ્યા છે.આંતરરાષ્ટ્રીય ક્રિકેટ મેચોનું યજમાન બનેલા આ મેદાનમાં કોન્સર્ટ માટે ગ્રાઉન્ડનો ઉપયોગ સતત ચર્ચામાં રહ્યો છે.નરેન્દ્ર મોદી સ્ટેડિયમના મેદાન પર હજારો ચાહકોની અવરજવર બાદ ગ્રાઉન્ડની સ્થિતિ કેવી રહેશે તે બાબતે શંકા સેવાઈ રહી છે.સામાન્ય રીતે સાચવીને રખાતા 30 યાર્ડ સર્કલ જેવા ક્ષેત્રમાં પણ ચાહકોની હાજરી રહેશે.આ કોન્સર્ટ બાદ ક્રિકેટ ગ્રાઉન્ડને મૂળ સ્થિતિમાં લાવવાની જવાબદારી કોની રહેશે તે સૌથી મોટો પ્રશ્ન છે.શું આયોજકો ગ્રાઉન્ડને પૂર્વવત્ કરશે કે પછી સંચાલકોએ આ કામ કરવું પડશે તે અસ્પષ્ટ છે.મેદાનને ફરીથી રમવા લાયક સ્થિતિમાં લાવવા માટે યોગ્ય આયોજન થવું અનિવાર્ય છે.હજારો લોકોની ભીડ વિખેરાયા પછી આંતરરાષ્ટ્રીય મેદાનનું મૂળ સ્વરૂપ પાછું મળશે કે કેમ તે ચર્ચાસ્પદ છે.

આ પણ વાંચોઃ Rajkot News: સોની બજારમાં ફરિયાદી જ નીકળ્યો લૂંટનો માસ્ટરમાઈન્ડ, 4 લાખના સોનું લૂંટવા તરકટ રચ્યું