ગુજરાતના મુખ્ય શહેરામય અમદાવાદ ખાતે તબીબી જગતનું એક અત્યંત મહત્વપૂર્ણ અને ભવ્ય આયોજન સંપન્ન થયું છે. અમદાવાદમાં ઇતિહાસમાં પ્રથમવાર હેમેટોલોજી (રક્તશાસ્ત્ર) અંગેનું રાષ્ટ્રીય સંમેલન 'હેમેટોકોન 2026' (Hematocon 2026) યોજાયું છે. આ પ્રતિષ્ઠિત સંમેલનનું સત્તાવાર ઉદ્ઘાટન ગુજરાતના CM ભૂપેન્દ્ર પટેલના હસ્તે દીપ પ્રાગટ્ય દ્વારા કરવામાં આવ્યું હતું. આ રાષ્ટ્રીય સ્તરના મહાસંમેલનમાં દેશ-વિદેશના ખ્યાતનામ તબીબો મોટી સંખ્યામાં ઉપસ્થિત રહ્યા હતા.
15 દેશોના 40થી વધુ નિષ્ણાતો જોડાયા, આધુનિક સારવાર પર ચર્ચા
આ સંમેલનની વિશેષતા એ રહી કે તેમાં યુએસએ, યુકે અને યુરોપ સહિત દુનિયાના 15 જેટલા અલગ-અલગ દેશોમાંથી 40 કરતા વધુ હેમેટોલોજી અને બોનમેરો ટ્રાન્સપ્લાન્ટના દિગ્ગજ નિષ્ણાતો જોડાયા હતા. રક્ત સંબંધી ગંભીર બીમારીઓ, લ્યુકેમિયા (બ્લડ કેન્સર), અને આધુનિક ઉપચાર પદ્ધતિઓ અંગે ચર્ચાઓ કરવામાં આવી હતી. વૈશ્વિક સ્તરના રિસર્ચ અને અત્યાધુનિક સારવારના મુદ્દાઓ પર થયેલા મંથનથી ભારતીય તબીબોને પણ ઘણો મોટો લાભ મળશે.