અમદાવાદ-વડોદરા એક્સપ્રેસ હાઇવે પર વાહન ચેકિંગ દરમિયાન પોલીસ એક કારમાંથી ગેરકાયદેસર હથિયારો જપ્ત કર્યા છે. પોલીસ દ્વારા હાથ ધરાયેલી આ કાર્યવાહીમાં કારની તપાસ કરતા તેમાંથી એક પિસ્તલ અને 6 જીવતા કારતૂસ મળી આવ્યા હતા. આ ઘટનામાં નિમેષ ખાખરીયા, સેન્ડી નિરૂપણ અને કિરણ પરમાર નામના ત્રણ વ્યક્તિઓ વિરુદ્ધ ગુનો નોંધવામાં આવ્યો છે.


11 લાખથી વધુનો મુદ્દામાલ જપ્ત

પોલીસના જણાવ્યા અનુસાર, આ મામલે 11 લાખ રૂપિયાથી વધુનો મુદ્દામાલ જપ્ત કરવામાં આવ્યો છે. આ હથિયારો કયા હેતુ માટે રાખવામાં આવ્યા હતા તે અંગે પોલીસ દ્વારા વધુ તપાસ ચાલી રહી છે. હાલમાં, પોલીસે આ ત્રણેય આરોપીઓની ધરપકડ કાયદેસરની કાર્યવાહી હાથ ધરી છે. આ ઘટનાએ શહેરમાં હથિયારોની ગેરકાયદેસર હેરાફેરીના મુદ્દાને ફરી એકવાર સપાટી પર લાવી દીધો છે.

Also Read

કાયદાનું ઉલ્લંઘન કરનારા સામે કડક કાર્યવાહી

આ બનાવ અંગે પોલીસે જણાવ્યું હતું કે, "અમે નિયમિત વાહન ચેકિંગ કરી રહ્યા હતા ત્યારે આ શંકાસ્પદ લગતા તેની તલાશી લેવામાં આવી હતી. આ દરમિયાન કારમાંથી હથિયારો મળી આવ્યા હતા. કાયદાનું ઉલ્લંઘન કરનારા કોઈ પણ વ્યક્તિને છોડવામાં આવશે નહીં અને તેમની સામે કડક કાર્યવાહી કરવામાં આવશે." આ ઘટનાને પગલે, પોલીસે શહેરભરમાં વાહન ચેકિંગ અને સુરક્ષા વ્યવસ્થા વધુ સઘન બનાવી છે.


  • Follow us on: