અમદાવાદના મેમનગર વિસ્તારમાં ભગવાન જલારામ બાપાની જન્મજયંતીની ભક્તિભાવપૂર્વક ઉજવણી કરવામાં આવી હતી. સેવા સિનિયર સિટીઝન ગ્રુપ દ્વારા આયોજિત પરંપરાગત શોભાયાત્રામાં મુખ્યમંત્રી ભૂપેન્દ્ર પટેલ પણ જોડાયા હતા અને મોટી સંખ્યામાં ભક્તો ઉમટી પડ્યા હતા.
જલારામ બાપાની જન્મજયંતી
અમદાવાદ શહેરના મેમનગર વિસ્તારમાં ભગવાન જલારામ બાપાની જન્મજયંતીની અત્યંત ભક્તિભાવ અને ઉલ્લાસપૂર્વક ઉજવણી કરવામાં આવી હતી. આ પાવન અવસર નિમિત્તે 'સેવા સિનિયર સિટીઝન ગ્રુપ' દ્વારા ભવ્ય શોભાયાત્રાનું આયોજન કરવામાં આવ્યું હતું. આ ધાર્મિક કાર્યક્રમ અને શોભાયાત્રામાં રાજ્યના મુખ્યમંત્રી ભૂપેન્દ્ર પટેલ પણ વિશેષ ઉપસ્થિત રહ્યા હતા અને શોભાયાત્રામાં જોડાઈને ભગવાન જલારામ બાપાના દર્શનનો લાભ લીધો હતો.
