ભારતીય જનતા પાર્ટી (BJP) દ્વારા સંગઠનમાં નવી નિમણૂકો અને જવાબદારીઓની જાહેરાત કરવામાં આવ્યા બાદ ગુજરાતના પૂર્વ નાયબ મુખ્યમંત્રી નીતિન પટેલે પોતાના અધિકૃત સોશિયલ મીડિયા હેન્ડલ પરથી નવનિયુક્ત પદાધિકારીઓને શુભકામનાઓ આપતી એક પોસ્ટ શેર કરી હતી.
પૂર્વ ડે. સીએમ નીતિન પટેલની પોસ્ટથી ભાજપમાં આંતરિક ગરમાવો
આ પોસ્ટમાં તેમણે પક્ષના ત્રણ અગ્રણી નેતાઓ જગદીશ પટેલ, વર્ષાબેન દોશી અને હેમાંગ જોશીને વિશેષ રૂપે અભિનંદન પાઠવ્યા હતા. આ ત્રણેય નેતાઓ મૂળ ભાજપના કેડરબેઝ્ડ અને વર્ષોથી સંઘ-પક્ષ સાથે જોડાયેલા સંગઠનનિષ્ઠ ચહેરાઓ ગણાય છે. નીતિન પટેલની આ પોસ્ટ સામે આવતાની સાથે જ રાજકીય નિરીક્ષકોનું ધ્યાન એ વાત પર ગયું કે પક્ષમાં જેમને રાષ્ટ્રીય મંત્રી જેવો મહત્વનો હોદ્દો સોંપવામાં આવ્યો છે તેવા રોહન ગુપ્તાનો આ પોસ્ટમાં કોઈ જ ઉલ્લેખ કરવામાં આવ્યો નહોતો.