અમદાવાદના શહેરી સીમાડા વિસ્તાર ગણાતા શેલા ખાતે થોડા દિવસો પહેલાં દીપડાની હાજરી જોવા મળી હતી. ત્યારબાદ હવે દીપડો સાણંદ તાલુકાના મોટી દેવતી ગામ તરફ આગળ વધી ગયો હોવાનું સામે આવ્યું છે. મોટી દેવતી ગામે દીપડો હોવાના સચોટ પુરાવા અને ચિહ્નો મળતાં જ વન વિભાગે પણ તેની હાજરી અંગેની વાત સત્તાવાર રીતે સ્વીકારી લીધી છે.
દીપડો હોવાના સચોટ પુરાવા
રહેણાંક અને ખેતીવાડી ધરાવતા ગ્રામ્ય વિસ્તાર નજીક વન્યજીવની હાજરીથી ગ્રામજનોમાં ફફડાટ વ્યાપી ગયો છે. બનાવની ગંભીરતાને ધ્યાને રાખીને વન વિભાગની ટીમોએ તાત્કાલિક મોટી દેવતી ગામે પહોંચીને દીપડાને સુરક્ષિત રીતે પાંજરે પૂરવા માટે જુદી જુદી જગ્યાએ પાંજરા ગોઠવી દીધા છે.