અમદાવાદ શહેરમાં ઓનલાઈન ફૂડ ડિલિવરી અને રેસ્ટોરન્ટ સંચાલકોની ઘોર બેદરકારીનો વધુ એક ચોંકાવનારો કિસ્સો સામે આવ્યો છે. શહેરના પોશ વિસ્તાર ગણાતા વસ્ત્રાપુર ખાતે આવેલી જાણીતી ફૂડ બ્રાન્ડ 'દમસફર યુનાઈટેડ બાય બારબેક્યુ નેશન' (Dum Safar United by Barbeque Nation) ની ગંભીર બેદરકારીના કારણે શાકાહારી ગ્રાહકોની ધાર્મિક અને આસ્થાઓને ઠેસ પહોંચી છે. ધર્મ અને ખાનપાન પ્રત્યે સભાન રહેતા લોકો માટે આ ઘટના ભારે આઘાતજનક સાબિત થઈ છે.

વેજ બિરયાની મંગાવી પણ નીકળી નોન-વેજ

બનાવની વિગત મુજબ, વસ્ત્રાપુર વિસ્તારમાં રહેતી બે યુવતીઓએ ઓનલાઈન ફૂડ એપ દ્વારા શાકાહારી ભોજનનો આનંદ માણવા માટે 'વેજ બિરયાની'નો ઓર્ડર કર્યો હતો. જોકે, રેસ્ટોરન્ટ દ્વારા ઓર્ડર પારખવામાં મોટી ભૂલ કરવામાં આવી અને વેજને બદલે 'નોન-વેજ બિરયાની' પેક કરીને મોકલી આપવામાં આવી હતી. ગ્રાહકોએ અજાણતા જ તેમાંથી ભોજન ગ્રહણ કરી લેતા ભારે હડકંપ મચી ગયો હતો. માંસાહાર કરી લેતા તેમનો ધર્મભ્રષ્ટ થયો હોવાની લાગણી પણ યુવતીઓ અનુભવી રહી છે.

Ahmedabad News: Non-Veg Delivered Instead of Veg Biryani at Vastrapur Restaurant, Girls Fall Ill

યુવતીઓની તબિયત બગડી અને સંચાલકોની મનમાની

શાકાહારી હોવા છતાં અજાણતા નોન-વેજ બિરયાની ખાઈ લેવાથી બંને યુવતીઓની તબિયત અચાનક લથડી ગઈ હતી અને તેમને શારીરિક અસ્વસ્થતા અનુભવાઈ હતી. આ ગંભીર બેદરકારી અંગે જ્યારે ગ્રાહકો દ્વારા રેસ્ટોરન્ટ સંચાલકોનો સંપર્ક કરવામાં આવ્યો, ત્યારે તેમણે પોતાની ભૂલ સ્વીકારવાને બદલે ઉદ્ધતાઈભર્યું વર્તન કર્યું હતું.

આ સાથે તેમણે પોતાની ભૂલ ન હોવાનો દાવો પણ કર્યો છે. દુકાનદાર કે સંચાલકો દ્વારા કોઈ પણ પ્રકારની ખેદ કે માફી માંગવામાં આવી ન હતી, જેણે સીધી રીતે જ અમદાવાદ મ્યુનિસિપલ કોર્પોરેશનના આરોગ્ય વિભાગ અને ફૂડ સેફ્ટીના નિયમોને પડકાર ફેંક્યો હોય તેવું સ્પષ્ટ દેખાઈ રહ્યું છે.

https://x.com/sandeshnews/status/2121240717754532080?ref_src=twsrc%5Etfw%7Ctwcamp%5Etweetembed%7Ctwterm%5E2121240717754532080%7Ctwgr%5E%7Ctwcon%5Es1_c10&ref_url=

ગ્રાહકોમાં રોષ અને કડક કાર્યવાહીની માગ

બ્રાન્ડની આ પ્રકારની બેજવાબદાર અને બેદરકાર વલણને કારણે સ્થાનિક ગ્રાહકો અને ફૂડ લવર્સમાં ભારોભાર રોષની લાગણી ફેલાઈ ગઈ છે. લોકોમાં ચર્ચા થઈ રહી છે કે, જો મોટી બ્રાન્ડ્સ આ પ્રકારે ગ્રાહકોના આરોગ્ય સાથે ચેડાં કરશે, તો સામાન્ય નાગરિકોનો ક્યાં જવું? જાગૃત નાગરિકો દ્વારા તંત્ર સમક્ષ માગ કરવામાં આવી છે કે આ પ્રકારની બેદરકાર ફૂડ બ્રાન્ડ્સ સામે કાયદાકીય કડક પગલાં લેવામાં આવે જેથી ભવિષ્યમાં કોઈ અન્ય ગ્રાહક આનો ભોગ ન બને.


આ પણ વાંચો: Gujarat: PM Modiના પ્રવાસ વચ્ચે ગુજરાત ભાજપમાં રાજકીય હલચલ, એરપોર્ટ પર સ્વાગત માટે આ પૂર્વ મંત્રીઓ અને પૂર્વ ધારાસભ્યો હાજર