Banaskanthaના દાંતામાં અસામાજિક તત્વો બન્યા બેફામ, જાહેરમાં યુવક પર તિક્ષ્ણ હથિયાર વડે કરાયો હુમલો

બનાસકાંઠા જિલ્લાના દાંતા શહેરમાં અસામાજિક તત્વો બેફામ બન્યા હતા. અહીં જાહેરમાં એક યુવક પર તિક્ષ્ણ હથિયાર વડે હુમલો કરવામાં આવ્યો હતો. હુમલાની ઘટના સામે આવતા સમગ્ર પંથકમાં ભયનો માહોલ ફેલાયો હતો. આ ઘટનાને કારણે સ્થાનિક લોકોમાં ભારે રોષ જોવા મળ્યો હતો. આ ઘટનાની જાણ થતા જ તાત્કાલિક પણે પોલીસ તાત્કાલિક ઘટનાસ્થળ પર પહોંચી ગઈ હતી. પોલીસે ઈજાગ્રસ્ત યુવકને ગંભીર હાલતમાં સારવાર અર્થે નજીકની હોસ્પિટલમાં ખસેડ્યો હતો.

તિક્ષ્ણ હથિયાર વડે યુવક પર જાહેરમાં હુમલો

યુવક પર કયા કારણોસર હુમલો કરવામાં આવ્યો અને હુમલો કરનાર કોણ હતા તે અંગે પોલીસે તપાસ હાથ ધરી હતી. હાલ તહેવારોનો માહોલ ચાલી રહ્યો છે અને આવા સમયમાં પોલીસ દ્વારા કાયદો અને વ્યવસ્થા જાળવવા માટે પેટ્રોલિંગ સઘન બનાવવું જોઈએ. પરંતુ દાંતામાં બનેલી આ ઘટનાએ પોલીસના પેટ્રોલિંગ અને સુરક્ષા વ્યવસ્થા પર ગંભીર સવાલો ઉભા કર્યા હતા. લોકોનો આક્ષેપ હતો કે અસામાજિક તત્વોને પોલીસનો કોઈ ડર રહ્યો નથી. જેના કારણે અસામાજિક તત્વો જાહેરમાં આવા કૃત્યો આચરી રહ્યા છે.

તહેવારોને લઈ પોલીસ પેટ્રોલિંગ સામે ઉઠ્યા સવાલ

દાંતામાં અસામાજિક તત્વોનો ત્રાસ કોઈ નવી વાત નથી. અવારનવાર આવી ઘટનાઓ બનતી રહે છે અને સામે આવતી હોય છે. પરંતુ તંત્ર દ્વારા કોઈ કડક પગલાં ભરવામાં આવતા નથી. જેના કારણે આ અસામાજિક તત્વો વધુ બેફામ બનતા જઈ રહ્યા છે. સ્થાનિક લોકોની માંગ હતી કે પોલીસ આ મામલે ગંભીરતાથી ધ્યાન આપીને આરોપીઓને ઝડપી પાડે અને તેમની સામે કડકમાં કડક કાર્યવાહી કરે. જેથી કરીને ભવિષ્યમાં આવી ઘટનાઓ ન બને અને લોકો શાંતિપૂર્ણ માહેલમાં રહી શકે.