ભાવનગર જિલ્લા સહકારી દૂધ ઉત્પાદક સંઘ લિમિટેડ એટલે કે 'સર્વોત્તમ ડેરી' દ્વારા જિલ્લાના લાખો પશુપાલકોને દિવાળીની મોટી ભેટ આપવામાં આવી છે. ડેરીના નિયામક મંડળ દ્વારા પશુપાલકોની આર્થિક સમૃદ્ધિ અને હિતને ધ્યાનમાં રાખીને દૂધના ખરીદ ભાવમાં રેકોર્ડબ્રેક વધારો કરવાનો મહત્વપૂર્ણ નિર્ણય જાહેર કરવામાં આવ્યો છે.
21 નવેમ્બરથી કિલોફેટે રૂ. 950નો ભાવ મળશે
સર્વોત્તમ ડેરીની જાહેરાત મુજબ, આગામી તારીખ 21 નવેમ્બર, 2026 ના દૂધ ખરીદ દિવસથી આ નવો ભાવ વધારો અમલમાં આવશે. હાલમાં પશુપાલકોને દૂધના કિલોફેટે રૂ. 920 ચૂકવવામાં આવે છે, જેમાં પ્રતિ કિલોફેટે રૂ. 30નો સીધો વધારો કરવામાં આવ્યો છે. આ વધારા બાદ હવે પશુપાલકોને દૂધનો ખરીદ ભાવ કિલોફેટે રૂ. 950 જેટલો ઐતિહાસિક મળશે.
