ભાવનગર જિલ્લામાં પોલીસ વહીવટી તંત્રમાંથી મોટા સમાચાર સામે આવ્યા છે. ભાવનગર જિલ્લા પોલીસ અધિક્ષક દ્વારા ફરજ પ્રત્યે બેદરકારી અને તપાસ દરમિયાન ગંભીર ક્ષતિઓ જણાઈ આવતા બે પોલીસ સબ ઇન્સ્પેક્ટર સામે અત્યંત કડક કાર્યવાહી કરવામાં આવી છે. એક સાથે બે પીઆઈએસઆઈ સસ્પેન્ડ થવાથી જિલ્લાના પોલીસ બેડામાં ભારે ખળભળાટ મચી ગયો છે.
કયા અધિકારીઓ પર થઈ કાર્યવાહી?
મળતી માહિતી મુજબ, ભાવનગર જિલ્લાના પાલીતાણા ટાઉન પોલીસ સ્ટેશનમાં ફરજ બજાવતા PSI એ. વી. સિંગલ અને ભાવનગર શહેરના ભરતનગર પોલીસ સ્ટેશનમાં ફરજ બજાવતા PSI ગણેશ પરમારને સસ્પેન્ડ કરવામાં આવ્યા છે. આ બંને અધિકારીઓ દ્વારા સોંપવામાં આવેલી તપાસની કામગીરીમાં ગંભીર ગેરરીતિઓ કે ક્ષતિઓ આચરવામાં આવી હોવાનું સામે આવ્યું હતું.