બોટાદ જિલ્લાના રાણપુર શહેરમાં રેતી ચોરીનું કૌભાંડ સામે આવ્યું છે, જેના વીડિયો અને ઓડિયો સોશિયલ મીડિયા પર વાયરલ થયા હતા. રાણપુરના સ્મશાન નજીક ભૂમાફિયાઓ દ્વારા મોટા પાયે રેતી ચોરી કરવામાં આવી રહી હોવાનો આ વાયરલ વીડિયોમાં ખુલાસો કરવામાં આવ્યો હતો.


જાગૃત નાગરિક દાનાભાઈ રમારે વાયરલ કર્યા રેતી ચોરીના વીડિયો અને ઓડિયો

વાયરલ થયેલા વીડિયો અને ઓડિયોમાં જોઈ શકાય છે કે, રાણપુર સ્મશાન નજીક રેતી ચોરી કરીને મોટા-મોટા ખાડા કરી દેવામાં આવ્યા છે. ત્યાંના જાગૃત નાગરિક દાનાભાઈ રમારે જે ત્યાંના સ્થાનિક છે તેમણે આ વીડિયો અને ઓડિયો બનાવીને વાયરલ કર્યા હતા.

Also Read

સ્થાનિકો દ્વારા રેતી ચોરી અટકાવવા માંગ

આ ગેરકાયદેસર ખનીજ ચોરીના કારણે થયેલા આ મસમોટા ખાડાઓ હવે સ્થાનિકો માટે અકસ્માતનું જોખમ ઊભું કરી રહ્યા છે. દિવસ-રાત ચાલતી આ રેતી ચોરીને કારણે પર્યાવરણને પણ નુકસાન થઈ રહ્યું છે. સ્થાનિકો માંગ કરી રહ્યા છે કે, તંત્ર દ્વારા આ ભૂમાફિયાઓ સામે કડક કાર્યવાહી કરવામાં આવે અને રેતી ચોરી અટકાવવામાં આવે જેથી કોઈ મોટી દુર્ઘટના ન બને.


  • Follow us on: