Surat: ઘોડદોડ રોડ પર તમંચાની અણીએ લૂંટ કરનાર આરોપી 23 વર્ષે મથુરાથી ઝડપાયો, એક આરોપીનું વર્ષ 2003માં યુપીમાં એન્કાઉન્ટર કરાયું

સુરતના ઘોડદોડ રોડ પર તમંચાની અણીએ લૂંટનો વોન્ટેડ આરોપી 23 વર્ષે મથુરાથી પકડાયો છે. સુરત PCB પોલીસે વોન્ટેડ આરોપી બલવીરસિંહ વલવીર સિંહ ગુર્જરને ઝડપી પાડ્યો છે. વર્ષ 2002માં બલવીરે તેના સાગરીતો સાથે મળી ઘોડદોડ રોડના દુકાનદારને તમંચો તથા ચપ્પુ બતાવી લૂંટ કરી હતી. જે લૂંટમાં દુકાનદારને તમંચો તથા ચપ્પુ બતાવી રૂપિયા 1.96 લાખ રોકડા રકમની લૂંટ ચલાવી હતી.

લૂંટનો વોન્ટેડ આરોપી 23 વર્ષે મથુરાથી પકડાયો

આ મામલે આરોપી અને તેના સાગરીતો વિરુદ્ધ ઉમરા પોલીસ સ્ટેશનમાં ગુનો નોંધાયો હતો.આ લૂંટમાં આરોપીના સાગરીત સંતોષ, સંજીવ અને અજય ઉર્ફે સ્વીટી સામેલ હતા. આ લૂંટ બાદ આરોપીઓ ફરાર હતા. જેમાં પકડાયેલ આરોપી બલવીર સિંહનો સાગરી અજય ઉર્ફે સ્વીટીનું વર્ષ 2003માં યુપીમાં એન્કાઉન્ટર કરાયું હતું. જે બાદ આ એક આરોપીને ઝડપી લેવામાં પોલીસને સફળતા મળી છે.

ઘોડદોડમાં 2002માં  લૂંટ કરી

શહેરના ઘોડદોડ રોડ પર 2002માં દુકાનદારને તમંચો તથા ચપ્પુ બતાવી લૂંટ કરવમાં આવી હતી. દુકાનદાર પાસેથી આરોપીઓએ રૂપિયા 1.96 લાખ રોકડા રકમની લૂંટ ચલાવી હતી. લૂંટ કરી આરોપીઓ ફરાર થઈ ગયા હતા. ઘોડદોડના લૂંટની ફરિયાદના આધારે પોલીસે આરોપીઓની શોધખોળ હાથ ધરી હતી. પોલીસને હાથતાળી આપતા આરોપીને 23 વર્ષે મથુરાથી ઝડપી લેવામાં પોલીસને સફળતા મળી છે.