સોનાની વીંટી ચોરી બગસરાની વીંટી મૂકી દેતી એક મહિલા ચોરની પોલીસે ધરપકડ કરી છે. જ્વેલર્સને ચુનો ચોપડનાર મહિલા પાસેથી પોલીસે 3 લાખનો મુદ્દામાલ કબ્જે કર્યો છે. મહિલાએ 12 જેટલા જવેલર્સને ચૂનો ચોપડ્યો છે સાથે વધુ એક ગુનાને અંજામ આપે તે પહેલા જ પોલીસે તેને ઝડપી વધુ કાર્યવાહી હાથ ધરી છે.
આરોપી મહિલા વડોદરાથી અમદાવાદ પહોંચી
મહિલા આરોપી પ્રવિણાબેન ઉર્ફે ટીની સેનવાએ 12 જ્વેલર્સને ચુનો લગાવ્યો છે.જેનાથી 4 ગુનામાં તે ફરાર હતી. નરોડા પોલીસની કસ્ટડીમાં રહેલી આ મહિલા આરોપી પાસેથી 3 લાખના કિમતના દાગીના પણ કબ્જે કરવામા આવ્યા છે. નરોડા, ઓઢવ અને સાબરમતી વિસ્તારમાં જ્વેલર્સની દુકાનમાંથી ચાલાકી પૂર્વક સોનાની વીંટીઓની ચોરી કરી હતી.ઝડપાયેલ આરોપી પ્રવિણાબેન સેનવાની પોલીસ શોધખોળ કરતી હતી. તેવામાં આરોપી વડોદરાથી અમદાવાદ ચોરીને અંજામ આપવા માટે આવી પહોચી હતી.
