અમદાવાદ સાયબર ક્રાઈમ બ્રાન્ચે દેશભરમાં આતંક મચાવતી સાયબર ગેંગ સામે મોટી કાર્યવાહી કરી છે. પોલીસે રાજસ્થાનના જોધપુર ખાતે દરોડો પાડીને 2 શાતિર સાયબર ઠગોની ધરપકડ કરી છે. આ આરોપીઓ નિર્દોષ લોકોને પોતાના શિકાર બનાવીને લાખો રૂપિયાની ઓનલાઈન છેતરપિંડી આચરતા હતા, જેમને પકડી પાડી પોલીસે આગળની કાનૂની કાર્યવાહી હાથ ધરી છે.
નકલી CBI અને પોલીસ બની 'ડિજિટલ એરેસ્ટ'ના નામે 44 લાખની ઠગાઈ
આરોપીઓ ભોગ બનનાર વ્યક્તિને વોટ્સએપ વીડિયો કોલ કરીને સીબીઆઈ (CBI)ના ઉચ્ચ અધિકારી, પોલીસ કે બેંક મેનેજર તરીકેની ખોટી ઓળખ આપતા હતા. ત્યારબાદ ગુનામાં સંડોવણી હોવાનો ખોટો ડર બતાવી, વ્યક્તિને 'ડિજિટલ એરેસ્ટ' કરવાનો ડર બતાવીને માસિક અને માનસિક દબાણ ઊભું કરતા હતા. આ ભયાનક તકનીકનો ઉપયોગ કરીને તેમણે એક નાગરિક પાસેથી રૂ. 44 લાખ જેટલી મોટી રકમ પડાવી લીધી હતી.