ગુજરાતમાં ડ્રગ્સના નેટવર્કને નેસ્તોનાબૂદ કરવા માટે કેન્દ્રીય એજન્સીઓ સતત સક્રિય બની છે. ત્યારે અમદાવાદ (Ahmedabad) શહેરના સરખેજ (Sarkhej) વિસ્તારમાં આવેલા મોહમ્મદી પાર્ક (Mohammadi Park) નજીક નાર્કોટિક્સ કંટ્રોલ બ્યુરો (NCB) દ્વારા એક સનસનીખેજ દરોડો પાડવામાં આવ્યો છે. NCB ની ટીમે બાતમીના આધારે એક મકાનમાં તપાસ હાથ ધરી હતી, જ્યાં ભોંયરાની અંદર ગુપ્ત રીતે ચાલતી MD ડ્રગ્સ (Mephedrone Drugs) ની ફેક્ટરી પકડાઈ છે.

ભોંયરામાંથી કરોડો રૂપિયાનો કાચો માલ જપ્ત

પ્રાપ્ત વિગતો અનુસાર, ડ્રગ્સ માફિયાઓ દ્વારા કાયદાની નજરથી બચવા માટે મકાનના ભોંયરા (Basement) નો ઉપયોગ કરીને આ ગેરકાયદેસર ફેક્ટરી ચલાવવામાં આવી રહી હતી. NCB ની ટીમે દરોડા દરમિયાન સ્થળ પરથી કરોડો રૂપિયાની કિંમતનો ડ્રગ્સ બનાવવાનો કાચો માલ (Raw Material) અને મશીનરી જપ્ત કરી છે. આ પ્રકરણમાં સંડોવાયેલા મુખ્ય મકાન માલિકની NCB દ્વારા અટકાયત (Detention) કરવામાં આવી છે અને તેની સઘન પૂછપરછ ચાલી રહી છે.

આરોપીની કોફી શોપમાં પણ તપાસ હાથ ધરાઈ

તપાસ દરમિયાન એ વાત પણ સામે આવી છે કે પકડાયેલા આરોપી દ્વારા અન્ય કોઈ વ્યવસાયની આડમાં આ નેટવર્ક ચલાવવામાં આવી રહ્યું હતું. NCB ની ટીમે આરોપીની એક કોફી શોપ (Coffee Shop) પર પણ પહોંચીને ત્યાં પણ સઘન તપાસ શરૂ કરી છે. આ ઇન્ટરસ્ટેટ અને ઇન્ટરનેશનલ ડ્રગ્સ રેકેટ (Drugs Syndicate) ના તાર ક્યાં ક્યાં જોડાયેલા છે તે અંગે એજન્સી દ્વારા ઊંડાણપૂર્વક તપાસ હાથ ધરવામાં આવી છે, અને આગામી સમયમાં આ કેસમાં મોટા ખુલાસા થવાની પૂરી સંભાવના છે.

આ પણ વાંચો : Morbiમાં સોશિયલ મીડિયા દ્વારા ફેલાયેલું હનીટ્રેપનું જાળ! યુવતીએ યુવાનને હોટેલમાં બોલાવી 12 લાખની ખંડણી માંગી