ભાવનગર જિલ્લામાં સર્જાયેલા લઠ્ઠાકાંડના ઘેરા પ્રત્યાઘાતો બાદ સમગ્ર રાજ્યમાં પોલીસ તંત્ર સક્રિય બન્યું છે. અમદાવાદ શહેરમાં પણ ગેરકાયદેસર દારૂનું વેચાણ અને હેરાફેરી અટકાવવા માટે શહેર પોલીસે અલગ-અલગ વિસ્તારોમાં દેશી-વિદેશી દારૂના અડ્ડાઓ પર સઘન દરોડા પાડવાની ઝુંબેશ શરૂ કરી છે.
સરખેજ પોલીસે દારૂનો મોટો જથ્થો પકડ્યો
આ ઝુંબેશ અંતર્ગત સરખેજ પોલીસ સ્ટેશનની ટીમે ગુપ્ત બાતમીના આધારે પોતાના વિસ્તારમાં ચાલતા દેશી દારૂના અડ્ડા પર અચાનક દરોડો પાડ્યો હતો. દરોડા દરમિયાન પોલીસે સ્થળ પરથી 290 લીટર જેટલો દેશી દારૂનો મોટો જથ્થો ઝડપી પાડ્યો હતો અને ગેરકાયદે પ્રવૃત્તિનો પર્દાફાશ કર્યો હતો.