અમદાવાદ શહેરમાં માર્ગ સલામતી અને ટ્રાફિક નિયમોના સરેઆમ ધજાગરા ઉડાડતા કારચાલકો સામે પોલીસે કડક વલણ અપનાવ્યું છે. શહેરમાં અત્યંત ઓવરસ્પીડ અને જોખમી રીતે દોડતી એક લક્ઝુરિયસ પોર્સ કારના ચાલક સામે પોલીસે ત્વરિત કાર્યવાહી હાથ ધરી છે. જાહેર રસ્તા પર અન્ય વાહનચાલકો અને રાહદારીઓના જીવ જોખમમાં મૂકાય તે રીતે બેફામ કાર ચલાવવામાં આવી રહી હતી. ઘટનાની ગંભીરતાને ધ્યાને લઈને પોલીસે કારચાલક સામે કાયદેસરની ફરિયાદ નોંધીને કાર્યવાહી હાથ ધરી છે.
પોલીસે પોર્સ કાર જપ્ત કરી ચાલક સામે નોંધ્યો ગુનો
ઓવરસ્પીડિંગ અને રેકલેસ ડ્રાઇવિંગ કરી રહેલા કારચાલકને અટકાવી પોલીસે તાત્કાલિક મોરચો સંભાળ્યો હતો. પોલીસે બિનજવાબદાર રીતે કાર હંકારનાર ચાલક સામે ગુનો દાખલ કરવાની સાથે જ પોર્સ કારને કબ્જે કરી લીધી છે. રોડ પર નિયમોનું ઉલ્લંઘન કરનારા તત્વો સામે દાખલો બેસાડવાના હેતુથી પોલીસે ઓવરસ્પીડિંગ અને જોખમી ડ્રાઇવિંગ બદલ આ આકરી કાર્યવાહી કરી છે.