અમદાવાદ શહેરના પૂર્વ વિસ્તારમાં ઘરફોડ ચોરીઓ કરીને પ્રજામાં દહેશત ફેલાવનાર કુખ્યાત ચીખલીગર ગેંગ પર રામોલ પોલીસે કડક પ્રહાર કર્યો છે. તાજેતરમાં રામોલ, વટવા GIDC અને અમરાઈવાડી પોલીસ મથકની હદમાં બંધ મકાનોને નિશાન બનાવી કરોડોના મત્તાની ચોરી કરનાર ગેંગને ઝડપી પાડવા રામોલ પોલીસ સ્ટેશનની સર્વેલન્સ ટીમે ખાસ ઝુંબેશ હાથ ધરી હતી.
કુખ્યાત ચીખલીગર ગેંગના સાગરીતો ઝડપાયા
પોલીસ ટીમે આસપાસના વિસ્તારો તેમજ શંકાસ્પદ ભાગવાના રૂટ પરના માત્ર 48 કલાક (બે દિવસ)માં 600થી વધુ CCTV કેમેરાના ફૂટેજનું બારીકાઈથી એનાલિસિસ કર્યું હતું. બાતમીદારો અને હ્યુમન ઇન્ટેલિજન્સની મદદથી પોલીસે ચીખલીગર ગેંગના મુખ્ય બે સાગરીતો અજયસિંગ ઉર્ફે ઈલ્લો સરદાર અને અર્જુન રાહુલભાઈ બનજારાને ઘેરાવો ઘાલીને ઝડપી લીધા હતા.