અમદાવાદ શહેરમાં ચર્ચાના કેન્દ્રમાં રહેલા ‘રિચિ રિચ’ (Richie Rich) પાન પાર્લરના માલિક વિરુદ્ધ ચાલી રહેલા વિવાદ મામલે ન્યાયિક તંત્ર દ્વારા કડક રૂખ અપનાવવામાં આવ્યો છે. આ કેસમાં સંડોવાયેલા મુખ્ય આરોપી ભાવિક ગજ્જર દ્વારા કલોલ કોર્ટમાં આગોતરા જામીન મેળવવા માટે અરજી દાખલ કરવામાં આવી હતી. જોકે, બંને પક્ષોની દલીલો સાંભળ્યા બાદ કોર્ટે આરોપીને કોઈપણ પ્રકારની રાહત આપવાનો ઇનકાર કરી દીધો છે અને તેની આગોતરા જામીન અરજી સદંતર ફગાવી દીધી છે.
કોઈપણ સમયે થઈ શકે છે ધરપકડ
કોર્ટ દ્વારા આગોતરા જામીન નામંજૂર કરવામાં આવતા હવે ભાવિક ગજ્જરની ધરપકડની તલવાર લટકી ગઈ છે અને ગમે તે સમયે પોલીસ દ્વારા તેની ધરપકડ કરવામાં આવી શકે છે. કાયદાકીય રક્ષણ ન મળવાને કારણે હવે તપાસ કરી રહેલી એજન્સી અને પોલીસ માટે કાર્યવાહી કરવાનો માર્ગ સાફ થઈ ગયો છે. અગાઉથી જ અનેક વિવાદોમાં ઘેરાયેલા આ માલિક સામે હવે પોલીસ સકંજો વધુ મજબૂત બન્યો છે અને પોલીસ ટીમ તેની સઘન શોધખોળ ચલાવી રહી છે.