અમદાવાદ ગ્રામ્ય એસઓજી (SOG) પોલીસને ડ્રગ્સ અને પ્રતિબંધિત માદક પદાર્થો વિરુદ્ધની લડાઈમાં એક મોટી અને શાનદાર સફળતા હાથ લાગી છે. પોલીસને બાતમી મળી હતી કે ધોળકા રોડ થઈને એક શંકાસ્પદ વાહનમાં ગેરકાયદેસર નશીલા પદાર્થોની હેરાફેરી થઈ રહી છે. આ બાતમીના આધારે સક્રિય બનેલી SOG ટીમે વોચ ગોઠવીને ધોળકા રોડ પરથી એક ટ્રકને સફળતાપૂર્વક ઝડપી લીધો હતો.
અંદાજે 700 કિલોગ્રામ પોસ ડોડાનો જથ્થો જપ્ત
પોલીસે જ્યારે ટ્રકની સઘન તલાશી લીધી, ત્યારે અંદરથી ચોંકાવનારો જથ્થો મળી આવ્યો હતો. ટ્રકમાં રહેલા પોસ ડોડાના માલનું વજન કરવામાં આવતા તે કુલ 37 કોથળામાં ભરેલો નીકળ્યો હતો. આ જથ્થાનું કુલ વજન અંદાજે 700 કિલોગ્રામ જેટલું થવા જાય છે. પ્રાથમિક અંદાજ મુજબ આ પકડાયેલા સમગ્ર મુદામાલની બજાર કિંમત આશરે 1.5 કરોડ રૂપિયા (એક કરોડ ચાર લાખ પચાસ હજારથી વધુ) હોવાની માહિતી સામે આવી છે.
