અમદાવાદ ગ્રામ્ય (Ahmedabad Rural) ના વિરમગામ (Viramgam) પંથકમાંથી વ્યાજખોરીનો એક ગંભીર મામલો સામે આવ્યો છે. વિરમગામ ટાઉન પોલીસ સ્ટેશન (Viramgam Town Police Station) માં ગેરકાયદેસર રીતે ઉંચા વ્યાજે નાણાં ધિરાણ કરી અને પઠાણી ઉઘરાણી (Pathani Recovery) કરનાર પાંચ માથાભારે શખ્સો સામે સત્તાવાર રીતે ફોજદારી ગુનો નોંધીને કાયદેસરની તપાસ હાથ ધરવામાં આવી છે.
8 લાખ સામે 36 મહિનામાં ચૂકવ્યા 21.60 લાખ રૂપિયા
પ્રાપ્ત વિગતો અનુસાર, ફરિયાદી અલ્પેશકુમાર જગદીશચંદ્ર ઠક્કર દ્વારા નોંધાવવામાં આવેલી વિગતો મુજબ તેમણે અગાઉ 3 વર્ષ પહેલાં 10% ના ઊંચા વ્યાજ દરે 8,00,000 રૂપિયા લીધા હતા. આ રકમની સામે તેમણે 36 મહિનામાં કુલ 21,60,000 રૂપિયા જેટલી માતબર રકમ વ્યાજ પેટે ચૂકવી દીધી હતી. આમ છતાં વ્યાજખોરોની લાલચ ઓછી થઈ નહોતી અને તેઓ સતત નાણાંની માંગણી કરી રહ્યા હતા.