ભરૂચ જિલ્લા લોકલ ક્રાઇમ બ્રાન્ચ (LCB) ની ટીમે ગુનાખોરી અને ગેરકાયદેસર દારૂની હેરાફેરી સામે લાલ આંખ કરી છે. ભરૂચ LCBએ પાલેજ પોલીસ સ્ટેશન વિસ્તારમાંથી વિદેશી દારૂ અને બિયરનો મોટો જથ્થો ઝડપી પાડી બુટલેગિંગના નેટવર્ક પર સર્જિકલ સ્ટ્રાઈક કરી છે. પોલીસે બાતમીના આધારે દરોડો પાડીને કુલ રૂ. 19,28,240 ની કિંમતનો મુદ્દામાલ કબજે કર્યો છે. આ સફળ કામગીરીને પગલે સમગ્ર ભરૂચ જિલ્લાના બુટલેગરોમાં આંતંક અને ફફડાટ વ્યાપી ગયો છે.
4,920 બિયરના ટીન, વાહન અને મોબાઈલ જપ્ત
દરોડા દરમિયાન પોલીસે ટાટા એસ પિક-અપ વાહનમાંથી ભારતીય બનાવટના વિદેશી દારૂની બોટલો અને 4,920 નંગ બિયરના ટીન સહિતનો જથ્થો જપ્ત કર્યો હતો. આ ઘટનામાં પોલીસે હેમચંદ શ્યામલાલ તોતૂરામ કૌશલ નામના આરોપીની સ્થળ પરથી અટકાયત કરી છે. પોલીસે દારૂ-બિયરના જથ્થા ઉપરાંત ગુનામાં ઉપયોગમાં લેવાયેલ ટાટા એસ પિક-અપ વાહન અને મોબાઈલ ફોન પણ જપ્ત કર્યા છે.