Bhavnagar breaking news: સગા જમાઈએ ઘરે જઈને સાસુ અને સસરાની હત્યા કરી

ભાવનગરના મહુવામાં ડબર મર્ડરની ઘટના સામે આવી છે. જમાઈએ સાસરીમા જઈને સાસુ અને સસરાની હત્યા કરી હોવાની ઘટના બની છે. હત્યા કરીને હત્યારો જમાઈ ફરાર થઈ ગયો છે. ઘટનાની જાણ થતાં જ મહુવા ટાઉન પોલીસ દોડતી થઈ ગઈ હતી. પોલીસે ઘટના સ્થળે પહોંચી ને તપાસ શરૂ કરી છે. પોલીસે હત્યા કયા કારણોસર કરી તેની તપાસ શરૂ કરી છે.

સાસુ અને સસરાનું સગા જમાઈએ ઢીમ ઢાળી દીધું

પ્રાપ્ત વિગતો પ્રમાણે ભાવનગરના મહુવામાં ખારઝાપા વિસ્તારમા રહેતા સાસુ અને સસરાનું સગા જમાઈએ ઢીમ ઢાળી દીધું છે. હત્યા કરીને જમાઈ ફરાર થઈ ગયો હતો. સમગ્ર ઘટનાની જાણ થતાં જ મહુવા પોલીસ ઘટના સ્થળે પહોંચી હતી. આ હત્યા કયા કારણોસર કરવામાં આવી તે અંગેની તપાસ હાથ ધરી હતી. સુત્રોના જણાવ્યા પ્રમાણે પારિવારિક ઝઘડાને કારણે જમાઈએ સાસુ અને સસરાની હત્યા કરી છે.

જમાઈને પકડવા માટે પોલીસે સઘન તપાસ શરૂ કરી

હત્યારા જમાઈને પકડવા માટે પોલીસે સઘન તપાસ શરૂ કરી છે. પોલીસ સુત્રોના જણાવ્યા પ્રમાણે હત્યારો જમાઈ પોલીસના હાથ વેંતમાં હોવાનું જાણવા મળ્યું છે. મહુવા ટાઉન પોલીસ આ ઘટના અંગે તપાસ કરી રહી છે. જમાઈને પકડવા માટે પોલીસ દોડતી થઈ ગઈ છે. સાસુ અને સસરાને કયા કારણે મારી નાંખ્યા તે અંગેનું સચોટ કારણ હત્યારો જમાઈ પકડાય પછી જ જાણવા મળશે.