દાહોદ જિલ્લાના સુખસર પંથકમાંથી સામે આવી છે. સુખસર તાલુકાના નીંદકા પૂર્વ ગામે મોડી રાત્રે ઇંગ્લિશ દારૂ ભરીને પૂરપાટ ઝડપે પસાર થઈ રહેલી એક તૂફાન ગાડીએ માર્ગ પરથી પસાર થતા ટ્રેક્ટરને જોરદાર ટક્કર મારી હતી. આ ભયંકર અકસ્માત એટલો જોરદાર હતો કે બંને વાહનોના કુરચા ઉડી ગયા હતા. નીંદકા પૂર્વ તળાવ પાસે બનેલી આ ઘટનાને પગલે મોડી રાત્રે સ્થાનિક રહીશો મોટી સંખ્યામાં ઘટનાસ્થળે દોડી આવ્યા હતા.
ઇજાગ્રસ્ત ટ્રેક્ટર ચાલકની હાલત ગંભીર
આ અકસ્માતમાં ટ્રેક્ટર ચાલકને શરીરે અને માથાના ભાગે ગંભીર ઇજાઓ પહોંચતા તે ઘટનાસ્થળે જ લોહીલુહાણ હાલતમાં તરફડી રહ્યો હતો. સ્થાનિક લોકોએ તાત્કાલિક 108 ઈમરજન્સી એમ્બ્યુલન્સને જાણ કરી ઇજાગ્રસ્ત ટ્રેક્ટર ચાલકને નજીકની સરકારી હોસ્પિટલમાં સારવાર અર્થે ખસેડ્યો છે, જ્યાં તેની હાલત નાજુક હોવાનું જાણવા મળી રહ્યું છે.