ગુજરાતમાં અકસ્માતોનું પ્રમાણ સતત વધી રહ્યું છે. હીટ એન્ડ રનની ઘટનાઓ સામે આવી રહી છે. બોટાદના ગઢડામાં રફતારના રાક્ષસે એક યુવકનો જીવ લીધો છે. પૂરપાટ ઝડપે આવી રહેલા કાર ચાલકે બાઈક ચાલકને ટક્કર મારતા તેનું ઘટના સ્થળે જ મોત નિપજ્યું હતું. અકસ્માત સર્જીને કાર ચાલક ફરાર થઈ ગયો હતો. પોલીસે ગુનો નોંધી વધુ તપાસ હાથ ધરી છે.
હિટ એન્ડ રનની ઘટનામાં બાઇકચાલકનું મોત
બોટાદ જિલ્લાના ગઢડા રોડ પર સીએનજી પમ્પ નજીક ગઈકાલે મોડી રાત્રે અકસ્માત સર્જાયો છે. પૂરપાટ ઝડપે આવી રહેલા કાર ચાલકે એક બાઈક ચાલકને ટક્કર મારી હતી. આ અકસ્માતમાં બાઈક ચાલકનું ઘટના સ્થળે જ મોત નિપજ્યું હતું. અકસ્માત સર્જીને કાર ચાલક ફરાર થઈ ગયો હતો. અકસ્માતની જાણ થતાં જ પોલીસ પણ ઘટના સ્થળે પહોંચી ગઈ હતી. મૃતકના મૃતદેહને પોસ્ટમોર્ટમ માટે ખસેડવામાં આવ્યો હતો.
