ગાંધીનગરના સાંતેજમાંથી શંકાસ્પદ ઘીના જથ્થાને લઈને પોલીસની કાર્યવાહી સામે આવી છે. સાંતેજ પોલીસે એક ફેક્ટરીમાં દરોડા જેવી કાર્યવાહી હાથ ધરી શંકાસ્પદ ઘીનો જથ્થો ઝડપી પાડ્યો છે.
પોલીસને સાંતેજ વિસ્તારમાં આવેલી ફેક્ટરીમાં ઘી બનાવવામાં આવતું હોવાની માહિતી મળી હતી. માહિતીના આધારે પોલીસે ફેક્ટરી ખાતે તપાસ હાથ ધરી હતી. તપાસ દરમિયાન શંકાસ્પદ ઘીનો જથ્થો મળી આવતા તેને જપ્ત કરવામાં આવ્યો હતો.
પોલીસે જપ્ત કરાયેલા ઘીના સેમ્પલ તપાસ માટે મોકલી આપ્યા છે. સેમ્પલના રિપોર્ટ બાદ જ ઘીની ગુણવત્તા અને તેમાં કોઈ ભેળસેળ કે અન્ય ગેરરીતિ છે કે કેમ તે અંગે સ્થિતિ સ્પષ્ટ થશે.
હાલ સમગ્ર મામલે સાંતેજ પોલીસ દ્વારા વધુ તપાસ કરવામાં આવી રહી છે. ફેક્ટરીમાં ઘીનું ઉત્પાદન કઈ રીતે કરવામાં આવતું હતું, જપ્ત થયેલા જથ્થાની ગુણવત્તા શું છે અને અન્ય કોઈ ગેરરીતિ છે કે કેમ તે સહિતના મુદ્દે તપાસ ચાલી રહી છે. સેમ્પલના તપાસ રિપોર્ટ બાદ પોલીસની કાર્યવાહી વધુ આગળ વધે તેવી શક્યતા છે.
આ પણ વાંચો : Bengaluru : અભિનેત્રી રાન્યા રાવ સહિત 4 પર 270.8 કરોડનો દંડ, 127 કિલોથી વધુ સોનાની કથિત તસ્કરીનો ખુલાસો