ગીર સોમનાથના તાલાલામાં યુવક હનીટ્રેપમાં ફસાયો છે, એક સગીરા સહિત 4 આરોપીએ આ કાવતરૂ રચ્યું હોવાની વાત સામે આવી છે, તાલાલા પોલીસે સમગ્ર કેસમાં ગુનો નોંધીને તપાસ શરૂ કરી છે, યુવકને માર મારીને 10 લાખની ખંડણી પણ માંગી હોવાની વાત સામે આવી છે, તાલાલા પોલીસમાં મોડી રાત્રે આ ફરિયાદ નોંધાઈ છે.
સગીરા સહિત 4 આરોપીએ રચ્યું હનીટ્રેપનું કાવતરુ
ચાર લોકોએ પહેલા યુવકને મળવા માટે બોલાવ્યો હતો અને માર માર્યો હતો ત્યારબાદ મારી બહેન સાથે કેમ આવું કરે છે તેમ કહી બબાલ કરી હતી, પોલીસે સમગ્ર કેસમાં 4 આરોપીને રાઉન્ડઅપ કર્યા છે અને તપાસનો ધમધમાટ કર્યો છે, સંગોદ્રા ગામની સગીરા સહિત 4 ઈસમોએ પૂર્વ આયોજીત કાવતરું રચી યુવકને ફસાવ્યો હતો અને ભોજદેગીરના રાકેશ પંડ્યાને મોબાઈલમાં મેસેજ કરી પ્રેમલાપ કરી મળવા બોલાવ્યો હતો, મોબાઈલ પણ યુવકનો ઝૂંટવી લીધો હતો અને ગાડીમાં તોડફોડ કરી હતી.
