જૂનાગઢ એલસીબીએ માંગરોળ હાઈવે ઉપર વોચ ગોઠવીને ઉત્તરપ્રદેશથી આવેલ ૫૦ લાખનો દારુ ભરેલો એક ટ્રક ઝડપી પાડ્યો છે, જે દારુ લઈને આવેલા ડ્રાઈવરની ટ્રક સહિતના ૬૯ લાખના મુદ્દામાલ સાથે ધરપકડ કરીને કાયદેસરની કાર્યવાહી કરી છે.
બાતમીને આધારે ટ્રકને પકડી હતી
જૂનાગઢ એલસીબી પી.આઈ. કૃણાલ પટેલ સહિતનો સ્ટાફ ગઈકાલે પેટ્રોલિંગમાં હતો, ત્યારે બાતમી મળી કે, માંગરોળ હાઈવે ઉપર મોટી માત્રામાં વિદેશી દારુની હેરાફેરી થવાની છે. જેને લઈને પોલીસે વોચ ગોઠવી હતી, અને અહીના પોરબંદર-માંગરોળ હાઈવે ઉપર વરામગામ પાસે માંગરોળ મરીન પોલીસ સ્ટેશનના વિસ્તારમાંથી એક ટ્રક નંબર યુ.પી. ૪૨ ડી.ટી. ૩૧૮૯ ને આવતા જોઇને અટકાવ્યો હતો.
