ખેડા નગરપાલિકામાં નવી બોડી બનતાની સાથે જ કરોડોની માટી ચોરીથી સત્તાના શ્રીગણેશ કર્યા હોવાના ચોકાવનારા કૌભાંડનો પર્દાફાશ થયો છે. નગરપાલિકા વિસ્તારમા 15 જેટલા સર્વે નંબરમા 200 વીઘા કરતાં વધારે જમીનમા ગોચર આવેલું છે.પરસાતજ દેદરડા વિઠ્ઠલાપુરા ખેડા અને અન્ય એક ગામ મળી આ વિસ્તારના પાંચ હજાર પશુઓને ચરવાના ગોચરને ભુમાફિયાઓએ નિશાન બનાવી કરોડો રૂપિયા રળી લેવાનું કૌભાંડ પ્રકાશમા આવ્યું છે. છેલ્લા ત્રણ મહિનાથી આખી રાત હિટાચી મશીનો, જેસીબી અને મોટા ડમ્પરોથી મોટા પાયે માટીને ઉલેચવામાં આવી હોવાનો આક્ષેપ કરાયો છે.


નગરપાલિકાનું ગોચર લોકો ચોરી ગયા હોવાનો આક્ષેપ

ખેડા નગરપાલિકાની ચૂંટણીઓ પૂર્ણ થયા બાદ નગરપાલિકાનું ગોચર લોકો ચોરી ગયા હોવાનો આક્ષેપ કરવામાં આવ્યો છે. હજારો ટન માટી ઉલેચીને માફિયાઓ એ નગરપાલિકાની પ્રજાને પડકાર ફેંક્યો છે. ખેડા પ્રાંત અધિકારીને અંધારામાં રાખનાર ગુનેગારોને સ્થળ વિશે પણ ખબર નથી.પ્રાંત અધિકારી સમક્ષ થયેલી રજૂઆત બાદ ખાણ ખનીજ વિભાગ સાથે ગયેલા તાલુકાના કર્મચારીઓ તળાવ અને સર્વે નંબરના આટા પાટામા ખાણ ખનીજ વિભાગને ગોથે ચડાવ્યા છે અને ખાણ ખનીજ વિભાગ જાણે ખેડા જિલ્લામા ભૂમાફિયાઓને ખનીજ ચોરીની ખુલ્લી છૂટ આપી હોય તેમ ફરજમા બેદરકારી દાખવી છે.

Also Read

પ્રાંત અધિકારીએ પોલીસ ફરિયાદના આદેશ આપ્યા

પ્રાંત અધિકારીની સૂચના હોવા છતાં ખોદકામ વાળી જગ્યાએ પાણી ભરાયેલા હોવાથી માપી શકાય નહિ તેવી વાતો જણાવી રહ્યા છે. ખેડાના કસ્બા તલાટીને ખેડાના ગોચરનું જ્ઞાન ન હોય તેમ અને ખેડૂતો પાસેથી હકીકતો મેળવવાની વાતો કરી નક્કર કાર્યવાહી કરી શક્યા નથી.સ્થાનિક ગોપાલકો પાસે ખાણ ખનીજ વિભાગ દ્વારા તપાસ કરવામાં આવી હોય તેવા નિવેદનો લખાવીને પાણી ખાલી થાય તો માપણી થશે તેમ જણાવી રહ્યા છે. જયારે સ્થાનિક ગોપાલકો પાંચ વર્ષ સુધી વરસાદ ન પડે તો પણ આ ઊંડી ખાઈઓમા પાણી ખૂટે તેમ નથી તેમ જણાવી રહ્યા છે.ખેડા નગરપાલિકામા નવી બોડી બનતાં જ ત્રણ મહિનામાં કરોડોની માટી ચોરીનો પર્દાફાશ થયો છે. પાંચ ગામોમાં હજારો પશુધનનો ઘાસચારો ખોદાઈ ગયો છે. હવે પ્રાંત અધિકારીએ પોલીસ ફરિયાદના આદેશ આપ્યા છે.


  • Follow us on: