ગુજરાત ATS દ્વારા ત્રણ આતંકીઓને ઝડપી પાડવામાં આવ્યા હતાં. આ આતંકીઓ ઝડપાયા બાદ દિલ્હીમાં લાલ કિલ્લા પાસે કાર બ્લાસ્ટ થયો હતો. જેમાં આ ત્રણ આતંકવાદીનું કનેક્શન હોવાનું સામે આવ્યું હતુ. આ ઘટના બાદ સમગ્ર દેશમાં તપાસ શરૂ કરવામાં આવી છે. ગુજરાત સહિત રાજસ્થાન અને ઉત્તર પ્રદેશની ATSની ટીમો તપાસમાં લાગી ગઈ છે. ત્ચારે આ બ્લાસ્ટ મામલે ઉત્તર ગુજરાતના મોડાસામાં પણ તપાસ શરૂ કરવામાં આવી છે.
દિલ્હી બ્લાસ્ટ મામલે મોડાસામાં પણ તપાસ
ઉત્તર ગુજરાતના મોડાસામાં ચારેક મહિના પહેલા ATS દ્વારા અલકાયદાનો એક આતંકી ઝડપાયો હતો. આ આતંકી અલકાયદાના સંગઠન સાથે સંકળાયેલો હતો અને સોશિયલ મીડિયામાં એક્ટિવ રહેતો હતો. સૈફુલ્લા કુરેશી નામનો આ આતંકી મોડાસા શહેરમા રહેતો હતો અને એક ફર્નિચરની દુકાનમાં નોકરી કરતો હતો. દિલ્હીમાં બ્લાસ્ટની ઘટના બાદ મોડાસામાં પણ તપાસ શરૂ કરવામાં આવી છે.
